Jaqynda anasynan aiyrylǵan Anna Danchenko prodiýser Baian Maqsatqyzyna qiyn sátte kórsetken qoldaýy úshin alǵys bildirdi. Ol prodiýserdiń jerleý rásimin uiymdastyrýǵa kómektesip, qomaqty qarjy jibergenin aitty, dep habarlaidy ult.kz.
«Baian Maqsatqyzy, sizge shyn júrekten alǵys aitqym keledi. Ómirimdegi eń aýyr kezeńderdiń birinde maǵan kórsetken janashyrlyǵyńyz, keń ári meiirimdi júregińiz, kóńil bólip, jylýyńyzdy aiamaǵanyńyz úshin raqmet. Ekeýmizge uzaq ýaqyt boiy tyǵyz jumys isteýdiń sáti túspese de, men sizdiń adami qasietterińizdi árdaiym baǵalaitynmyn. Al qazir sol qasietterińizdi kórip qana qoimai, erekshe sezindim. Bul týraly aitqanymdy qalamaýyńyz múmkin ekenin bilemin. Biraq sizge alǵysymdy bildirmei tura almaimyn. Jerleý rásimin uiymdastyrý úshin qanshama qarajat qajet ekenin túsinip, maǵan osyndai qomaqty soma jiberdińiz… Ony kórgen kezde odan saiyn jylap jiberdim. Aqsha úshin emes, sizden mundai qamqorlyq pen qoldaýdy múlde kútpegendikten kózime jas keldi. Men eshqashan bireýden kómek kútýdi nemese suraýdy ádetke ainaldyrǵan emespin. Ata-anam bala kezimnen ózime senýge, qiyndyqtardy óz betimshe jeńýge úiretti. Sondyqtan sizdiń bul áreketińiz maǵan qatty áser etti. Janyń qatty aýyrǵanda, adamnyń jylýyn erekshe sezinedi eken. Keide bir ǵana áreket adamnyń júregi týraly myńdaǵan sózden artyq aitady», – dep jazdy Anna Danchenko.
Sondai-aq ol ata-anasynan aiyrylǵannan keiin úlken júrekti adamdardyń qadirin burynǵydan da tereńirek túsingenin jetkizdi.
«Qazir ata-anamsyz qalǵan kezde, janynda úlken júrekti — meiirimdi, ashyq, dana, ózgeniń qaiǵysyn sezine alatyn jáne qiyn sátte eshteńe kútpesten qasynan tabylatyn adamdardyń bolýy qanshalyqty qymbat ekenin burynǵydan da jaqsy túsinip júrmin. Sizge sheksiz rizamyn, Baian Maqsatqyzy. Ata-anamnyń sizge ne úshin alǵys aitqysy kelgenin endi túsindim. Osyndai aýyr sátte olardyń qyzyna jasaǵan jaqsylyǵyńyz úshin rizashylyǵyn bildirgen eken. Bul jaqsylyǵyńyz ózińizge jáne otbasyńyzǵa mindetti túrde eselep qaitsyn. Jaqyndaryńyz aman bolyp, shańyraǵyńyzdan jylý men bereke ketpesin. Sizge raqmet. Shyn júrekten. Men muny eshqashan umytpaimyn», – dedi ol.
