Ótken aptada Elbasy Nursultan Nazarbaev qoǵamda qyzý talqyǵa túsken qazaq tili álipbiin latyn grafikasyna kezeń kezeńimen jáne júieli túrde kóshirý týraly Jarlyqqa qol qoidy. Elbasynyń bul tarihi ári saiasi sheshimi ońtústikqazaqstandyqtardyń da erekshe qoldaýyna ie bolyp otyr. Osynaý taǵlymdy sheshimdi qoldaý maqsatynda bir top ońtústikqazaqstandyq ziialylar Elbasynyń atyna arnaiy hattar joldaýda. Solardyń biri - Ońtústik Qazaqstan oblystyq Qazaqstan halqy Assambeleiasy janyndaǵy qoǵamdyq kelisim keńesiniń tóraǵasy Orynbai Rahmanberdievke tiesili.
«Qurmetti asa mártebeli Nursultan Ábishuly! Siz ótken aptada qazaq mádenieti men rýhaniiaty úshin talai ýaqyttan beri qoǵam talqysynda júrgen qazaq álipbiin latyn grafikasyna kóshirý týraly taǵylymdy sheshim qabyldadyńyz. Kún tártibindegi máseleni ǵalymdarmen, sala mamandarymen aqyldasyp, kópshilik maquldaǵan jańa álipbidi bekitip berdińiz», - deidi óz hatynda Orynbai Rahmanberdiev.
Dál osyndai qoldaý hatyn IV, V shaqyrylymdaǵy QR Parlamenti Májilisiniń depýtaty Rozaqul Halmuradov ta joldapty. Onda: «Ǵalamdyq báseke-jarystyń táýekeldiligin durys paiymdap, qazaq tilin latyn grafikasyna ótkizý jóninde tarihi sheshim qabyldadyńyz. Bul baitaq Qazaqstan úshin taǵdyrsheshti qadam boldy. Biz álipbidi ǵana emes, qoǵamdyq sanany, jalpyǵa ortaq oilaý júiesin transformatsiialaý boiynsha sheshim qabyldadyq», - delingen.
Nursultan Nazarbaevtyń atyna oblysymyzdaǵy birqatar etnomádeni birlestikterdiń de basshylary qoldaý hatyn joldady. Atalǵan hatta oblystyq grýzin etnomádeni birlestiginiń tóraǵasy Z. Bochorishvili, korei etnomádeni ortalyǵynyń tóraiymy R. Pak, tatar-bashqurt birlestiginiń basshysy A. Mýhamedova, grek etnomádeni birlestiginiń jetekshisi D. Sidiropýlo, iran etnomádeni birlestiginiń tóraǵasy N. Kapar-Pýr, kúrd etnomádeni birlestiginiń basshysy A. Nadirov, uiǵyr etnobirlestiginiń jetekshisi G. Temirova, tájik etnomádeni ortalyǵynyń basshysy Iu.Sýltanov, nemis etnobirlestiginiń jetekshisi I. Bahman, túrik etnomádeni ortalyǵynyń basshysy L. Asanovtardyń qoly qoiylǵan.
Elbasy Jarlyǵyna orai búgin M. Áýezov atyndaǵy Ońtústik Qazaqstan memlekettik ýniversitetiniń stýdent jastary «Latyn álipbiine kóshý - qazaq tiliniń halyqaralyq dárejege shyǵýyna jol ashady» degen arnaiy úndeý jariialady. Onda: «Qazirgidei qýatty memlekette ómir súrip jatqan kezeńde biz halyq bolyp bul jazýdy qoldap alyp ketpesek, órkenietti elderdiń qataryna ilese almaimyz», - delingen.
Búginde əlemniń 70 paiyzǵa jýyq elderi latyn jazýy arqyly bilimdi igerip, ǵylymi-zertteýlermen ainalysady. Iaǵni, bilim, ǵylym, saiasat pen tehnika, mədeniet pen óner, t.b. salalarǵa qatysty jazbasha aqparattyń barlyǵy derlik latyn grafikasymen beriledi, qoǵam ómirindegi jańalyqtardyń basym bóligi osy grafikanyń negizinde jurtshylyqqa taralady.
