"Betterine qara betperde men qara kózildirik kigen ońtústikqazaqstandyq jastar «NinetyOne» tobyn qoldap, aktsiia ótkizdi", - dep habarlaidy Ult.kz tilshisi QazAqparat agenttigine silteme jasap.
Video Facebook áleýmettik jelisinde jariialandy. Qazaq jastaryn sharaǵa bastap barǵan ápkemiz óziniń atalmysh toptyń jankúieri ekenin aitady.
Ol: «Osy jerge «NinetyOne» tobynyń 25 jastan asqan tyńdarmandary men jankúierleri jinalyp tur. Men sizderge bul toptyń mennen de jasy úlken tyńdarmandary bar ekenine kýágerlik beremin», - deidi de, videonyń osy tusynda atalmysh ápkemiz ben ájeidiń boljammen «NinetyOne» tobynyń kontsertinde otyrǵan fotolary kórsetiledi.
Odan ári, musylmandarǵa shashty boiaý súnnet ekenin, Alla elshisi Paiǵambar shashty (s.ǵ.s.) qyzyl, sary, qońyr túske boiap júrýdi buiyrǵanyn aitady. «Osylardy bilmeseńiz siz ózińizdi qalai shyn musylmanmyn dep júrsiz?», - deidi ol.
Sondai-aq ápkemiz dala salty boiynsha ata-babalarymyz ben batyrlarymyz syrǵa taqqanyn, kúmis júzikterdi taǵyp júrý de musylmandyqqa qaishy emestigin aitady.
Keiin sharaǵa jinalǵan jastar sóz alyp, ózderiniń «NinetyOne» tobyn qoldaityndaryn aǵynan jaryla aitty.
