Biylǵy I jarty jyldyqta 1000-nan astam otbasy jumys kúshi mol aimaqtardan jumys kúshi tapshy óńirlerge kóshirildi, dep habarlaidy "Ult aqparat".
Úkimette ótken baspasóz konferentsiiasynda QR eńbek jáne halyqty áleýmettik qorǵaý birinshi vitse-mnistri E. Jylqybaev jumys kúshi mol aimaqtardan jumys kúshi tapshy óńirlerge azamattardy kóshirý barysy týraly aityp berdi.
E. Jylqybaevtyń aitýynsha, «Eńbek» nátijeli jumyspen qamtýdy jáne jappai kásipkerlikti damytýdyń memlekettik baǵdarlamasynyń úshinshi baǵyty aiasynda áleýmettik jumys oryndaryn, jastar praktikasyn, qoǵamdyq jumystardy uiymdastyrý kózdelgen. Búginde osy sharalar boiynsha 88 myń adam jumysqa ornalasty (áleýmettik jumys oryndaryna – 17 myń, jastar praktikasyna – 15 myń, qoǵamdyq oryndarǵa – 55 myń adam).
Sondai-aq, osy baǵyt aiasynda jumys kúshi artyq óńirlerden (Mańǵystaý, Qyzylorda, Jambyl, Almaty, Túrkistan oblystary, Nur-Sultan qalasy) azamattardy eńbek kúshi tapshy (Pavlodar, Qostanai, Soltústik Qazaqstan, Shyǵys Qazaqstan oblystaryna) kóshirý qarastyrylǵan.
Biyl 2253 otbasyn (9614 adam) kóshirý josparlanǵan, olardyń 1050 otbasy nemese 3 707 adam (39%) búginde qonys aýdaryp úlgergen. Kóshken adamdardyń 1190-y nemese eńbekke jaramdy jastaǵy 63%-y (1 879 adam) jumysqa ornalasqan.
Shyǵý óńirlerine Nur-Sultan qalasy da qosylǵan. Osy jyldyń basynan bastap Pavlodar oblysynda «Nurly Ertis» jobasy júzege asyrylýda, ol óziniń tiimdiligin kórsetti.
Búgingi tańda Ekibastuzǵa Nur-Sultan qalasynan 103 kópbalaly otbasy nemese 612 adam (onyń 188-i eńbekke qabiletti jáne 425-si bala) kóshirilgen. Olar 5 jylǵa jaldamaly úimen qamtamasyz etilgen, balalardy mektepter men balabaqshalarǵa ornalastyrý máselesi sheshilgen.
«Azamattardyń 80% jumyspen qamtyldy. Jyldyń sońyna deiin 200-den astam otbasyn Nur-Sultan qalasynan kóshirý josparlanýda. Qazirgi tańda Pavlodar oblysynda ónerkásiptik, kommýnaldyq jáne áleýmettik kásiporyndarda bos jumys oryndary bar. Sondyqtan jumyspen qamtý, baspana máselesi de týyndamaidy. Barlyq kóp balaly otbasymen jumys jasaldy», — dedi birinshi vitse-ministr.
Sonymen qatar, qonystandyrý aiasynda Soltústik Qazaqstan oblysyna biyl 428 úidiń qurylysyna 3 mlrd teńge bólindi. Qonys aýdarýshylarǵa birqatar memlekettik qoldaý sharalary kórsetilýde.
Birinshiden, otbasynyń ár múshesi úshin qonys aýdarýǵa birjolǵy sýbsidiialar qarastyrylǵan — 88 myń teńge (35 AEK) mólsherinde.
Ekinshiden, qonys aýdarýshylar úshin ai saiyn 20 ai boiy jaldamaly turǵyn úige jáne kommýnaldyq tólemder úshin sýbsidiialar qarastyrylǵan. Ortasha alǵanda sýbsidiialar 63 myń teńgeni (25 AEK) quraidy.
Qonys aýdarý aimaǵyna jáne otbasy músheleriniń sanyna bailanysty sýbsidiialarda aiyrmashylyqtar bar.
Sonymen, qalaǵa kóshken otbasy úshin:
- bir adamǵa 20 AEK (50 500 tg.);
- otbasynda ekiden tórt adamǵa deiin bolsa 25 AEK (63 125 tg.)
- otbasynda bes nemese odan kóp adam bolsa 30 AEK (75 750 tg.)
Aýyldy jerge kóshý úshin:
- bir adamǵa 15 AEK (37 875 tg.);
- otbasynda ekiden tórt adamǵa deiin bolsa 18 AEK (45 450 tg.)
- otbasynda bes nemese odan kóp adam bolsa 20 AEK (50 500 tg.)
Sonymen qatar, brifing barysynda birinshi vitse-ministr Eńbek jáne halyqty áleýmettik qorǵaý ministrliginiń jańa sharalary týraly baiandady.
Memleket basshysynyń tapsyrmasy boiynsha, shilde aiynyń basynda az qamtamasyz etilgen jáne kóp balaly otbasylardy, eńbekke qabiletti múgedekterdi men jastardy qoldaý úshin qosymsha qarjy bólindi, olar: jańa biznes ideialardy júzege asyrý úshin óteýsiz granttar berýge, qysqa merzimdi oqytý kýrstaryna, mobildi jumyspen qamtý ortalyqtarynyń qyzmetin qamtamasyz etýge, «Bastaý-Biznes» kásipkerlik negizderine oqytýǵa, shaǵyn nesie berýge baǵyttalǵan.
Kóp balaly analar men múmkindikteri shekteýli balalardy tárbielep otyrǵan adamdar úshin úide áleýmettik jumys oryndary uiymdastyrylady.
Jumyspen qamtý ortalyqtarynyń jumysy qaita qalyptastyryldy — olar «málimdeýshi» printsipten «proaktivti» jumys formatyna kóshýde. Iaǵni, jumyspen qamtý ortalyqtary azamattar olarǵa júgingenshe kútpeidi, ózderi izdep, jumyspen qamtý qyzmetterin usynatyn bolady.
