QR Syrtqy ister jáne Ishki ister ministrlikteriniń ókilderi Ońtústik Koreianyń Ádilet ministrliginiń immigratsiia qyzmetinde kezdesý ótkizdi. Bul týraly "Ult aqparat" Qazaqstannyń Ishki ister ministrligine silteme jasap habarlaidy.
«Kezdesýde kóshi-qon salasyndaǵy seriktestikti odan ári jetildirý máseleleri talqylandy. Eki tarap kóshi-qon salasynda aqparat almasý jónindegi kelisimdi pysyqtap, qol qoiý týraly ózara túsinistikke qol jetkizdi. Bul kelisim zańsyz kóshi-qon men qos azamattyqty boldyrmaýǵa qatysty aqparattardy jedel almasýǵa múmkindik beredi. Kelisimge qol qoiý arqyly zańsyz migratsiiaǵa jáne eki el zańdarynyń buzylýyna jol bermeý jónindegi yntymaqtastyqtyń jańa deńgeiine shyǵamyz», - deidi QR IIM Kóshi-qon qyzmeti komitetiniń basqarma basshysy Asqar Aldońǵarov.
