Ońtústik Koreiaǵa búgin tańerteń «Linling» surapyl taifýny keldi, sonyń saldarynan tolassyz nóser jaýyp, daýyl soǵyp jatyr, dep habarlaidy QazAqparat Yonhap agenttigine silteme jasap.
Ázirge aitarlyqtai qiraǵan ǵimarattar týraly aqparat joq, degenmen qatty jelge bailanysty 230 reis toqtatyldy jáne keiinge qaldyryldy. Jeldiń ekpini sekýndyna 39 metrge jetti nemese 140 km/saǵ bolyp otyr.
Áýejai ákimshiliginiń deregi boiynsha, Seýldegi Inchhon halyqaralyq áýejaiyna kelip qonatyn nemese ushatyn 150 halyqaralyq reis, eldiń Chedjý kýrortty aralynda 120 reis toqtatyldy.
Elde burynǵysha birneshe eskertý jariialanyp otyr. Sebebi, taifýn Seýlge túste keledi dep josparlanýda.
Koreia meteorologiialyq qaýymdastyǵynyń deregine sáikes, taifýn soltústikke qarai jyljyp, sol kúni Soltústik Koreiaǵa jetýi múmkin.
