Sársenbi kúni Ońtústik Koreianyń Seosan qalasyndaǵy Lotte Chemical Corp zaýytynda bolǵan jarylys saldarynan 56 adam jaraqat aldy, dep habarlaidy Yonhap.
Jaraqattanǵandar arasynda kompaniianyń tórt qyzmetkeri men jergilikti turǵyndar bar. Kompaniianyń bergen aqparatynsha, qatty kúiik shalǵan eki adam aýrýhanaǵa jetkizildi. Qaza bolǵandar týraly aqparat kelip túsken joq.
Lotte Chemical basshysy Lim Biýng-iýn (Lim Byung-yun) bolǵan oqiǵaǵa bailanysty ókinishin bildirip, kompaniianyń jarylys saldaryn joiýǵa jáne ótemaqy tóleýge qatysty is-sharalar qoldanatynyn aitty.
Órt sóndirýshilerdiń sózinshe, tańǵy saǵat 2:59-da Seosandaǵy Daesan munai-himiialyq kesheninde munai krekinginiń qurylǵysy jarylyp, órt shyqqan.
Tilsiz jaý saǵat 5:12-de 270 órt sóndirýshi jáne 66 arnaiy tehnikanyń kúshimen sóndirildi.
Lotte Chemical zaýytynda jarylys munaidyń syǵylýy saldarynan boldy dep boljanyp otyr.
