Ońtústik Koreiada koronavirýs juqtyrýdyń taǵy 52 jaǵdaiy tirkeldi. Osylaisha, atalǵan eldegi infektsiia juqtyrǵandar sany 156 adamǵa jetti, dep habarlaidy "Ult aqparat" YONHAP NEWS AGENCY agenttigine silteme jasap.
Aýrýdy jańadan juqtyrǵandardyń kóbi Tegý qalasynyń ońtústik-shyǵysynda shirkeý qyzmetine kelgen adamdar. Jańadan aýrý juqtyrǵan 52 adamnyń 41-i – Seýlden ońtústik-shyǵysqa qarai 300 shaqyrym jerde jáne kórshiles Soltústik Kionsan provintsiiasynan. Seýlde taǵy úsh jaǵdai tirkeldi, dep habarlaidy Koreianyń aýrýlardy baqylaý jáne aldyn alý ortalyǵynyń (KCDC) málimdemesinde.
Infektsiia birden baiqala qoimaǵan osy eki qalada aýrýdyń órshýi Densaýlyq saqtaý sheneýnikterin COVID-19 jergilikti jerde tarala bastaǵanyn habarlaýǵa májbúr etti.
Juqtyrǵandar sany artqannan keiin jáne koronavirýstan qaza tabý jaǵdailarynan keiin úkimet Tegý men Chhondo qalalaryn «erekshe basqarý aimaqtary» retinde jariialaý jóninde sheshim qabyldady.
Tegýde jáne kórshiles provintsiia Soltústik Kionsanda rastalǵan jaǵdailardyń jalpy sany - 111, al Tegýde shirkeý qyzmetine bailanysty virýsty juqtyrý jaǵdailarynyń sany 82-ge jetti.
Juma kúni virýstyń bolýyna test jasalǵan jáne karantindegi adamdar sany 2707 adamdy qurady, beisenbide bul kórsetkish 1860 bolǵan.
3 qańtardan bastap Ońtústik Koreia COVID-19 virýsyna qatysty 14 816 adamǵa tekserý júrgizdi, 11 953 adamda virýs joq, al 16 patsient tolyq saýyqqannan keiin karantinnen shyǵaryldy.
