Ońtústik Koreianyń Seýl qalasynda 13-15 naýryz kúnderine josparlanǵan short-trekten álem chempionaty ótpeitin boldy, dep habarlaidy "Ult aqparat" Olympic.kz saityna silteme jasap.
Buǵan sebep – elde koronavirýstyń órshýi. Seýldiń resmi túrde birinshilikten bas tartqany týraly Halyqaralyq konkimen júgirýshiler odaǵy da (ISU) rastap otyr.
«ISU Seýldegi koronavirýsqa qatysty jaǵdaidy únemi baqylaýda ustap, eń sońyna deiin jaqsylyqtan úmittengenin málimdedi. Alaida Ońtústik Koreianyń konkimen júgirýshiler odaǵy Seýldegi quzyrly organdardyń jarys ótýi tiis Mokdong muz aidyny saraiyn jaýyp, josparlanǵan is-sharalarady tolyǵymen keiinge shegergenin jariia etti. Osyǵan bailanysty, short-trekten 13-15 naýryz aralyǵynda ótýi tiis álem chempionaty belgisiz merzimge keiinge qaldy. Ázirge, álemdik dodanyń naqty qashan jáne qaida ótetini anyqtalǵan joq», - delingen aqparatta.
Eske salaiyq, Ońtústik Koreiada koronavirýs juqtyrǵandar sany 1 146 adamǵa jetti.
Al atalmysh infektsiia shyqqan Qytai elinde sońǵy málimetter boiynsha 78 064 adam virýsqa shaldyqqan, 2 715 adam kóz jumdy.
