Ońtústik Koreiada Seýl qalasynyń batysynda ornalasqan Kimpho qalasynda qarttar úiinde órt shyǵyp, saldarynan eki egde jastaǵy adam qaza tapty jáne 47-si zardap shekti, dep habarlaidy Rionhap agenttigi.
Bes qabatty ǵimarattaǵy órt seisenbi kúni tańerteń saǵat 9:03-te bastalǵan. Órt tutanǵanda ǵimaratta 130 adam bolǵan. Zardap shekkenderdiń ishinde alty adam aýyr halde jatyr. Olardyń barlyǵynda gazdan ýlaný belgileri anyqtaldy. Barlyq patsientter ǵimarattan evakýatsiialandy.
Órt tórtinshi qabattaǵy boiler ǵimaratynan tutanǵan.
«Qazandyqtaǵy tútin naýqastardyń bólmeleri men osy qabattaǵy intensivti terapiia bólimine taraǵan», - dedi Kimpho órt sóndirý stansasynyń ókili Von Djýn hi (Won Joon-hee).
Qaza tapqan eki adam intensivti terapiia bóliminde jatqan. Zardap shekken 47 naýqas qazirgi ýaqytta jaqyn mańdaǵy 11 aýrýhanada em alyp jatyr. Qarttar úii ǵimarattyń úshinshi jáne tórtinshi qabatynda ornalasqan.
