Onda mánerlep syrǵanaýshynyń sirek fotosýretteri men jeke zattary qoiyldy, – dep habarlady Habar 24.
Sondai-aq, jurt nazaryna sportshynyń shyǵarmashylyq týyndylary usynyldy. Denis Tenniń ánderi qazaqstandyq mánerlep syrǵanaýshynyń kóp qyrly talant ekenin eske salady.
Ol sportshy, fotograf, aqyn, mýzykant ári baýyrmal. Denis Ten Qazaqstan men ońtústikkoreialyqtar úshin osyndai qyrlarymen este qaldy.
Men Denisti bala kezinen bilemin. Onyń muz ústindegi alǵashqy qadamdaryn kórdim. Ol Almatyda kishkentai balalarǵa sabaq bergende "myna jigit mánerlep syrǵanaý juldyzyna ainalady" dep oiladym, - deidi tilshi Kim San Ýk.
Búginde el Denisti diplomat dep ataidy. Qazaqstan men Koreia arasyndaǵy joǵary dengeidegi kelissózderde árkez Tenniń esimi atalady.
Sport arqyly, óziniń sporttyq jetistikteri arqyly ol Qazaqstandy álemniń basqa elderimen, onyń ishinde, ásirese Koreia Respýblikasymen biriktirdi, - dedi Qazaqstannyń Koreia respýblikasyndaǵy tótenshe jáne ókiletti elshisi Baqyt Dúisenbaev.
Denistiń qurmetine arnalǵan kórmege Ońtústik Koreianyń eń áigili mánerlep syrǵanaýshylary keldi.
Ol mánerlep syrǵanaýdyń batyry. Ol Qysqy Olimpiada oiyndarynda Qazaqstannyń atyn shyǵarýdy maqsat tutty. Biz mundai biregei sportshyny eshqashan umytpaimyz, - dedi 2010 jylǵy Olimpiada oiyndarynyń chempiony Kim Ion A.
Denispen alǵash ret meni muzdy shoýǵa shaqyrǵan kezde kezdestim. Denis ainalasyndaǵylardyń bárine qamqor bolǵan jan. Ony esime alsam, qimastyq sezim bileidi, - dedi Aziia oiyndarynyń chempiony Choi Da Bin.
Mánerlep syrǵanaýshynyń eseli eńbegin anasy umyttyrmaq emes. Denis Ten qory bir jyl ishinde onyń óleńder jinaǵyn shyǵaryp, eske alý týrnirin ótkizdi.
Qazaqstanda mánerlep syrǵanaýdy damytý boiynsha kóptegen jumys atqarylýda. Iaǵni, biz balalardyń jattyǵý protsesine kómektesip jaqsy jattyqtyrýshylarǵa jiberemiz, - dedi Denis Tenniń anasy Oksana Ten.
Diplomattar Denis Tenniń esimi ondaǵan jyldar boiy Qazaqstan – Koreia qatynastaryn nyǵaitýyna áser etedi dep senedi.
