22 aqpan kúni Ońtústik Koreia sońǵy táýlikte 142 koronavirýs juqtyrý oqiǵasyn tirkegenin málim etti, dep habarlaidy YONHAP NEWS AGENCY.
Osylaisha elde koronavirýs juqtyrǵandardyń jalpy sany 346-ǵa jetti. Sońǵy kúnderi COVID-19 juqtyrý oqiǵalary artyp ketti jáne olardyń kópshiligi Chhonda ońtústik-shyǵys aýrýhanasy men ońtústik-shyǵystaǵy Tegý shaǵyn qalasynda tirkeldi.
Koreianyń aýrýlardy baqylaý jáne aldyn alý ortalyqtary 142 jańa oqiǵanyń 92-i Chhondodaǵy Daenam emhanasymen bailanysty ekenin habarlady. Osy emhanada jańa virýstan Ońtústik Koreiadaǵy alǵashqy adam qaza tapqan.
Juma kúni Daenam aýrýhanasynda COVID-19-dan ekinshi naýqas qaitys boldy.
Qazirgi kúni aýrýhanada 108 virýs juqtyrý oqiǵasy tirkelgen.
Qoǵamdyq densaýlyq saqtaý agenttiginiń habarlaýynsha, 38 naýqastyń Seýlden ońtústik-shyǵysqa qarai 300 km jerdegi Tegý qalasy men kórshiles Soltústik Kensan provintsiiasynda ornalasqan Sinchhondji degen atpen tanymal hristiandyq sektaǵa qatysy bar.
Bilik ókilderi Tegý qalasynyń turǵyndaryna (onda 2,5 million turǵyn bar) úide bolyp, asa qajettilik bolmasa eshqaida shyqpaýǵa keńes berdi. Sol aralyqta, juma kúni kórshiles Chhondo «erekshe basqarý aimaǵy» dep jariialandy. El astanasy Seýlde qala ortalyǵynda demonstratsiiaǵa tyiym salyndy.
Qazirgi ýaqytta indet juqtyrǵan 170 naýqas shirkeýge barǵany belgili boldy.
KCDC habarlaýynsha, Sinchhondji sektasynyń 9 336 múshesi karantinge jatqyzyldy. Olardyń ishinde 544 adam adam virýsqa tekserýden ótip jatyr.
Indet el ishine tez tarap jatqandyqtan Densaýlyq saqtaý organdary koronavirýsty ustap turý úshin qosymsha shara qoldanýǵa ýáde berdi.
