Ońtústik Koreia bir kún ishinde koronavirýs juqtyrǵan jańa 300-den astam jaǵdai tirkelgenin málim etti, dep habarlaidy Yonhap agenttigi.
Agenttiktiń málimetinshe, beisenbi kúni infektsiia juqtyrǵan adam sany kúrt ósken: 334 jańa jaǵdai. Al elde virýs juqtyrǵandardyń jalpy sany 1595 adamǵa jetti.
Búginde Ońtústik Koreiada taralǵan virýstan kóz jumǵandar sany da artýda, 12 adamǵa jetti.
Koronavirýs juqtyrǵan jańa jaǵdailardyń jartysynan kóbi eldiń ońtústik-shyǵysyndaǵy Tegý qalasynda anyqtaldy. 334 jańa jaǵdaidyń 307-si Seýlden ońtústik-shyǵysqa qarai ornalasqan - Tegýde, taǵy tórteýi – kórshiles provintsiia Soltústik Kionsanda tirkelgen.
Koreianyń aýrýlardy baqylaý jáne aldyn alý ortalyǵynyń (KCDC) málimetinshe, Ońtústik Koreianyń basqa da iri provintsiialary men qalalarynda virýs juqtyrǵan birneshe jaǵdai bar. Seýlde taǵy alty jaǵdai tirkelgen.
Ońtústik Koreia sarapshylarynyń boljamynsha, jaqyn kúnderi elde koronavirýs juqtyrýdyń rastalǵan jaǵdailarynyń sany áli de artady.
