Ońtústik Koreia prezidenti Mýn Chje In dúisenbi kúni pandemiianyń eldegi qazirgi jaǵdaiyn qadaǵalai almasa, koronavirýs infektsiialarynyń «jarylys» tolqynyna urynýy múmkin ekendigin eskertti. Bul týraly Ońtústik Koreianyń YONHAP agenttigi habarlady.
«Eger biz qyraǵylyqty álsiretsek, bul jarylys kúshi bar pandeiamiiaǵa soqtyra alatyn qaýipti jaǵdai bolmaq», - dep atap ótti ol koronavirýsqa bailanysty ótken shuǵyl vedomstvoaralyq keńes kezinde.
Eldiń koronavirýs infektsiialarynyń tórtinshi tolqynyna urynýy múmkindigine qatysty qaýiptenýi ósip keledi. Prezidenttiń aitýynsha, qazirgi kezeńde eń mańyzdysy, barlyq jerde júre alatyn «jasyryn infektsiialanǵan adamdardy» anyqtaý eń mańyzdy bolyp tabylady.
Sondai-aq Mýn Chje In «eger koronavirýs baqylaýǵa alynbasa, úkimettiń ekonomika jáne adamdar tirshiligine túsetin aýyrtpalyqqa qaramastan, joǵary ázirlik deńgeiine ótýden basqa amaly qalmaitynyn eskertti.
Buǵan qosa ol qoǵamnan vaktsinalaý baǵdarlamasyn qoldaýdy surap, onyń sátti bolýy «jyldamdyq pen qaýipsizdikke» táýeldi ekenin málimdedi.
Prezident eldiń densaýlyq saqtaý organdarynyń 30 ben 60 jas aralyǵyndaǵy tulǵalarǵa AstraZeneca ekpesin qaita sala bastaý sheshimin de eske saldy.
