"Ońtústik Koreia deportatsiialanǵan qazaqstandyq azamattarǵa dóreki qatynastary úshin keshirim surady. Bul týraly QR Parlamenti Májilisindegi Úkimet saǵatynda QR Syrtqy ister ministri Erlan Ydyrysov málim etti", - dep habarlaidy Ult.kz tilshisi QazAqparat agenttigine silteme jasap.
«Ońtústik Koreiaǵa qatysty toqtalatyn bolsam, osy elmen bizde vizasyz rejim týraly kelisimge qol qoiylǵan bolatyn. Bizdiń azamattar bul elge jeke kýálik jáne jol júrý qujattaryn usynǵan kezde kire alady. Sonymen birge, sapar maqsaty jumysqa ornalasý emes, týrizm retinde eskeriledi. Sondyqtan da vizasyz rejimdi paidalana otyryp, elimizden Ońtústik Koreiaǵa adamdar kóptep baryp, juysqa ornalasa bastady. Bul óz kezeginde atalǵan rejimge qaishy jáne onda jumysqa ornalasý qamtylmaǵan. Koreilik tarap bastapqyda osyndai jaǵdaiǵa aitarlyqtai baiypty qaraǵanymen, alaida bul rejimdi buzǵan qazaqstandyqtar sany artta túsken. Sonymen qatar olardyń arasynda keibiri quqyq buzýshylyq áreketterine barǵan kórinedi. Osy rette koreilik jaq tiisti sharalar qabyldaýǵa májbúr boldy. Olar azamattarmen betpe-bet áńgimelesý jirgizgen jáne bizdiń eldiń adamdarynyń jaýaptaryna qanaǵattanbaǵandyqtan, qamaýǵa alý nemese keri qaitarý sheshimderin qabyldady», - dedi E. Ydyrysov.
Onyń sózine qaraǵanda, ministrlik qyzmetkerleri osy máselemen egjei-tegjeili tanys. Qazirgi kezde koreilik tarappen qatynastar aitarlyqtai jeńildedi. Ońtústik Koreiaǵa saparlaityn Qazaqstan azamattaryna atalǵan rejimdi buzǵan jaǵdaida júkteletin jaýapkershilik jaiynda túsindirý jumystary júrgizilýde. Óz kezeginde qazaqstandyqtarmen dóreki qatynastary úshin atalǵan el keshirimin suraityndyǵyn jetkizdi.
Esterińizge sala keteiik, buǵan deiin qazaqstandyqtardy jappai deportatsiialaǵany úshin Ońtústik koreiaǵa nota joldaǵan bolatyn.
