Koreia Respýblikasynyń úkimeti eldegi ornaǵan áleýmettik qashyqtyq deńgeiiniń kúshin 23 mamyrǵa deiin uzartýǵa sheshim qabyldady, dep habarlaidy YONHAP agenttig.
Bul týraly el premer-ministriniń mindetin atqarýshy Hon Nam Gi juma kúni tabiǵi apattar, tótenshe jaǵdailar jáne apattarmen kúres boiynsha Ortalyq shtabtyń otyrysynda málimdedi.
Onyń aitýynsha, bul sheshimdi qabyldaý kezinde jańa koronavirýs oqiǵasy sanynyń azaimaýy men qadaǵalaý múmkin bolmai jatqan juqtyrǵandar sanynyń ósý faktisi eskerildi.
Elde tórt adamnan asatyn qatysýshylary bar kez kelgen sharaǵa tyiym salynǵan. Qoǵamdyq tamaqtaný kásiporyndary, jattyǵý zaldary, salondar, karaoke, iri sýpermarketter burynǵysha keshki 10-ǵa deiin jumys isteidi.
El biligi kelesi aptada bolatyn merekeler kezinde otbasylyq sharalardyń kóbeiýine bailanysty juqtyrý oqiǵalarynyń ósýinen qaýiptenip otyr. Sońǵy kúnderi elde kúnine 600-700 jańa jaǵdai tirkelýde.
