«Halyq únine qulaq asatyn memleket» tujyrymdamasyn iske asyrý aiasynda BQO politsiia departamentiniń bastyǵy, general-maior Maqsuthan Ablazimov apta saiyn onlain rejimde azamattardy qabyldaidy. Osyndai onlain qabyldaýdan keiin jas mamandar jumysqa turýǵa múmkindik aldy, -dep habarlaidy «Ult aqparat».
BQO politsiia departamentiniń málimetinshe, jyl basynan beri departament bastyǵynyń qabyldaýynda 23 turǵyn boldy. Sonymen qatar oǵan kez kelgen adam Feisbýk pen Instagramm áleýmettik jelileri arqyly habarlasa alady.
«Osy áleýmettik jeli arqyly habarlasqan Terekti aýdanynda turatyn jas mamannyń máselesi sheshildi deýge bolady. Joǵary oqý ornyn bitirgennen keiin jas qyz politsiiaǵa qyzmetke turǵysy kelgen, biraq boiy kelmegen. Osy oraida ol osy maqsatynan qaitpai meniń atyma hat jazyp, ótinish bildiripti. Men ol jas mamandy qabyldadym», - dedi BQO politsiia departamentiniń bastyǵy, general-maior Maqsuthan Ablazimov.
Osy oraida Maqsuthan Nuǵmanuly jas mamandy qabyldap, ony politsiia departamentine ákimshilik memlekettik qyzmetshi retinde jumysqa qabyldaý týraly nusqaý berdi.
«Mektep bitirgen soń politsiia qyzmetkeri bolǵym keldi. Alaida boiym men salmaǵymnyń jetispeýshiliginen, ondai múmkindik bolmady. Sondyqtan memlekettik qyzmetke ótinish jazýyma týra keldi. baǵyma orai meniń ótinishimdi BQO politsiia departamentiniń bastyǵy, general-maior Maqsuthan Ablazimov ózi qabyldaǵan eken. Men endi onyń tapsyrýymen, politsiia departamentine ákimshilik memlekettik qyzmetshi retinde jumysqa qabyldanatyn boldym. Qýanyshymda shek joq, osy úshin osy saladaǵy barlyq mamandar men basshylarǵa alǵysym sheksiz», - dedi jas maman.
Sondai-aq oblystyń bas politseiine advokat bailanysqa shyǵyp, aýdandyq politsiia bólimderiniń birindegi sotqa deiingi tergep-tekserý isin tergeý basqarmasynyń óndirisine berýdi suraǵan.
«Barlyq ótinishter boiynsha tiisti sharalar qabyldandy. Departament bastyǵy ózi advokat shaǵymdanǵan aýdandyq politsiia bólimine jumys saparymen barady. Sol kezde bul másele qaralatyn bolady», dedi QazAqparat tilshisine BQO politsiia departamentiniń resmi ókili Bolatbek Belgibekov.
Politsiia departamenti bastyǵynyń jeke qabyldaýyna 98-42-21 telefony arqyly aldyn ala jazylýǵa nemese áleýmettik jelilerdegi paraqshasy arqyly júginýge bolady.
Esterińizge sala keteiik, «Halyq únine qulaq asatyn memleket» tujyrymdamasyn iske asyrý aiasynda BQO politsiia departamentiniń bastyǵy, general-maior Maqsuthan Ablazimov apta saiyn onlain rejimde azamattardy qabyldaidy. Osyndai onlain qabyldaýdan keiin jas mamandar jumysqa turýǵa múmkindik aldy. BQO politsiia departamentiniń málimetinshe, jyl basynan beri departament bastyǵynyń qabyldaýynda 23 turǵyn boldy. Sonymen qatar oǵan kez kelgen adam Feisbýk pen Instagramm áleýmettik jelileri arqyly habarlasa alady.
