Onkologiia aýrýlaryn emdeý úshin aqsha jinaýmen ainalysatyn kompaniialar anyqtalyp jatyr. Bul týraly QR Densaýlyq saqtaý ministrligi Qazaq onkologiia jáne radiologiia ǵylymi-zertteý institýty basqarma tóraiymy, m.ǵ.d. Diliara Qaidarova málim etti, dep habarlaidy QazAqparat.
«Túrkiiaǵa, Koreiaǵa nemese Eýropaǵa baryp emdelgendi qalaityn adamdar bar. Degenmen de dál osy em-dom sharalaryn biz de usyndyq. Biz osy jaǵdailardyń barlyǵyn tekserip shyqtyq. Elimizdegi naýqastardy emdelýge shet elderge jiberýdi shynymen de lobbilendiretin kompaniialar bar. Olar osy qyzmeti úshin tiisti bonýstar alady. Bul óz kezeginde qandai da bir biznes túri», - dedi D. Qaidarova Onkologiiadaǵy Dúniejúzilik kóshbasshylar sammitinde tilshiler saýalyna jaýap bere otyryp.
Onyń atap ótýinshe, shilde aiynan onkologiialyq kómek kórsetýdiń árbir oqiǵasyn tekserý sharalary bastaldy. Osy oraida sońǵy úsh aida atalǵan habarlandyrýlar sany tómendegen.
«Biz olarmen (kompaniialarmen) bailanysqa shyqtyq. Bul turǵyda olardyń emdelýshiniń palatasyna baryp, balany shetelge jiberý úshin aqsha jinap berý usynysyn jasaitynyn anyqtadyq. Negizinen, bul sharalar balalar onkologiiasy boiynsha júrgiziledi. Árine, bul turǵyda zańsyz eshteńe de joq», - dedi D. Qaidarova.
Budan buryn habarlanǵandai, búgin elordada Onkologiiadaǵy Dúniejúzilik kóshbasshylar sammitiniń jumysy bastaldy. Sharaǵa 70 elden 350 delegat qatysyp jatyr.
