24 mamyrda kommýnaldyq-turmystyq kómirdi taýar birjalary arqyly ótkizý boiynsha usynymdar (sektsiialyq qaǵidalar) sheńberinde kommýnaldyq-turmystyq kómirdiń birjalyq saýda-sattyǵy bastaldy, dep habarlaidy "Ult aqparat".
Básekelestikti qorǵaý jáne damytý agenttigi janyndaǵy Birjalyq komitet ázirlegen osy qaǵidalar óńirlik operatorlardyń tikelei óndirýshiden deldalsyz satyp alýy úshin qoljetimdi shaǵyn partiialarmen kómir razrezderi óndirgen kólemniń 10%-yn saýda-sattyqqa shyǵarýdy kózdeidi.
«Qarajyra» AQ saýda-sattyq aǵymdaǵy jylǵy 24-28 mamyr aralyǵynda (5 jumys kúni) «Kaspii» taýar birjasy» AQ alańynda Nur-Sultan ýaqytymen saǵat 10:00-den 11:00-ge deiin josparlanǵan.
«Saýda-sattyq spot saýda-sattyq túrindegi D markaly kómir saýda quraly boiynsha ótedi, onda birjalyq taýardy jóneltý saýda-sattyq ótkizilgen aidan keiin úshinshi aida, iaǵni shildede júzege asyrylady, jetkizý sharttary - FCA, jetkizý bazisi - Degeleń stansasy. Lot kólemi 350 tonna, saýdanyń jalpy kólemi 11 500 tonna, bazalyq baǵasy 5 682 tg/t.
Birinshi kúni saýda-sattyqqa 2 450 tonna (7 lot, munda 1 lot 350 tonna) aǵymdaǵy jylǵy shildege jetkizýmen 5682 tg/t bazalyq baǵa boiynsha shyǵaryldy, FCA jetkizý sharttary, Degeleń stansasy jetkizý bazisi», delingen habarlamada.
Saýda-sattyqqa 1 satyp alýshy ótinish berdi – «Sever Energo Ýgol Snab» JShS. Saýda-sattyq qorytyndysy boiynsha 1 mámile jasaldy:
Baǵa | Kólem | Soma | Satýshy | Satyp alýshy | Kúni jáne ýaqyty |
5 682,00 | 700 | 3 977 400,00 | «Karajyra» AQ | «Sever Energo Ýgol Snab» JShS | 24.05.2021 10:10:16 |
«Shubarkól Kómir» AQ saýda-sattyq aǵymdaǵy jylǵy 25-31 mamyr aralyǵynda (5 jumys kúni) «Astana» Ámbebap taýar birjasy» AQ alańynda Nur-Sultan ýaqytymen saǵat 09:30-dan 10:30-ǵa deiin josparlanǵan.
Saýda-sattyq ai saiynǵy aqy tóleý jáne kúntizbelik alty aidan on eki aiǵa deiingi kezeńge jetkizý talabymen kelisim-sharttarmen saýda túrinde ótedi, bul rette birjalyq taýardy tiep jóneltý saýda-sattyq ótkizilgen aidan keiingi úshinshi aidan jeltoqsanǵa deiin (qosa alǵanda) júzege asyrylady.
Jetkizý sharttary FCA, jetkizý orny Qyzyljar stansasy (KShH) nemese Shubarkól stansasy. Saýdanyń jalpy kólemi 147 220 tonna.
«Sektsiialyq qaǵidalar boiynsha jer qoinaýyn paidalaný kelisimshartyna sáikes kómir óndirýdi júzege asyratyn kómir óndirýshiler (kómir razrezderi, kómir shahtalary) ne olardyń saýda ókilderi satýshylar bolyp aiqyndaldy. Satyp alýshylar - jergilikti atqarýshy organdardan berilgen aqparat negizinde taýar birjasynyń akkreditteýin alǵan, menshik quqyǵynda nemese ózge de zańdy negizderde tehnikalyq jaraqtandyrylǵan temirjol tuiyǵy (tarazy tehnikasy, tieý-túsirý kóligi jáne t.b.) bar jáne kómirdi saqtaý men tiep-jóneltý jáne halyqqa jeke paidalaný úshin ótkizý múmkindigi bar kóterme saýda jetkizýshileri nemese bólshek saýda satýshylary», delingen habarlamada.
Respýblika boiynsha óńirlik operatorlardyń qalyptastyrylǵan tizbesi 99% gazdandyrylatyn úsh óńirdi (Atyraý, Batys Qazaqstan jáne Mańǵystaý oblystary) qospaǵanda, 174 zańdy tulǵany (187 tuiyqqa) qamtidy. Óńirlik operatorlardyń qalyptastyrylǵan tizbesi barlyq taýar birjalarynyń nazaryna jetkizildi.
Eske sala ketsek, 2015 jyly Ulttyq ekonomika ministrligi kómir engizilgen birjalyq taýarlar tizbesin bekitti. Osy tizbege sáikes kómir óndirýshi kompaniialar 60 tonna partiia teń bolǵan nemese asyp ketken kezde kommýnaldyq-turmystyq kómirdi ótkizýdi taýar birjalary arqyly ǵana júzege asyrýǵa mindetti. Kómirmen taýar birjalary arqyly saýda jasaýdyń bul tájiribesi túpkilikti tutynýshy úshin baǵanyń ósýine ákeledi. Qazirgi kezde QR IIDM 10% kóleminde taýar birjasy arqyly satylýy tiis kommýnaldyq-turmystyq kómirdiń eń tómengi partiiasyn joiý jáne eń tómengi úlesin belgileý jáne osy norma qoldanylatyn tulǵalar sanatyn bekitý bóliginde jumys júrgizip jatyr.
Birjalyq saýdany damytý «negizgi qýatqa» qoljetimdilikti qamtamasyz etýge jáne baǵa belgileýdiń burmalanýyn joiýǵa arnalǵan Básekelestikti damytý jónindegi ulttyq jobanyń negizgi baǵyttarynyń biri bolyp tabylady. Birjalyq saýda básekelestikti damytýdyń negizgi quraly bolyp tabylady, obektivti naryqtyq baǵa indikatorlaryn qalyptastyrýǵa múmkindik beredi. Birjadan tys baǵalar birjalyq baǵalarmen salystyrylady, bolashaqta birjadan tys baǵalar birjaǵa jaqyn bolady, bul naryqtaǵy baǵa ahýalyn teńestiredi.
