QR Premer-Ministri Asqar Maminniń tóraǵalyǵymen Memleket basshysy Qasym-Jomart Toqaevtyń tapsyrmasy boiynsha qurylǵan respýblikalyq Shuǵyl áreket etý shtabynyń ekinshi otyrysy selektorlyq rejimde ótti. Bul jóninde primeminister.kz habarlady.
Aqsha-nesie saiasatyn iske asyrý boiynsha aldaǵy sharalary týraly Ulttyq bank tóraǵasy E. Dosaev, respýblikalyq jáne jergilikti biýdjetterdi ońtailandyrý týraly Premer-Ministrdiń Birinshi orynbasary – qarjy ministri Á. Smaiylov, ónerkásip salasyndaǵy jáne eńbek naryǵyndaǵy jaǵdai týraly Premer-Ministrdiń orynbasarlary R. Skliar men E. Toǵjanov baiandady. Sondai-aq syrtqy ister ministri M. Tileýberdi, saýda jáne integratsiia ministri B. Sultanov jáne respýblikalyq Shuǵyl áreket etý shtabynyń basqa da músheleri aqparatpen bólisti.
Otyrysqa qatysýshylar otandyq kásiporyndardy qoldaý boiynsha qabyldanyp jatqan sharalardy, áleýmettik mańyzy bar taýarlardyń baǵasy men óńirlerdegi qazirgi jaǵdaidy talqylady.
Respýblikalyq Shuǵyl áreket etý shtabynyń músheleri, sondai-aq barlyq óńirlerdiń basshylary «Atameken» UKP basqarma tóraǵasy A. Myrzahmetovtiń kásipkerlik áleýetti damytý jáne halyqtyń tabysyn arttyrý maqsatynda júrgizilgen óńirlerdiń skrininginiń qorytyndysy týraly baiandamasyn tyńdady.
«Biz óńirlerde biznesti damytýǵa úlken rezervtiń baryn kórip otyrmyz. Ákimdikter importty almastyrý jumysyna barynsha tartylýy tiis. Júrgizilgen skriningtiń nátijelerin eskere otyryp, óńirlerdiń kásipkerlik áleýetin damytý úshin naqty is-qimyl josparyn ázirleý qajet. Ol úshin «Atameken» UKP alańynda qajetti jumystardy uiymdastyrý kerek», — dedi A. Mamin.
Úkimet basshysy «qarapaiym zattar ekonomikasy» salalaryn jeńildikpen nesielendirý baǵdarlamasyn, Biznestiń jol kartasyn, «Eńbek» jáne basqa da baǵdarlamalardy iske asyrý aiasynda investitsiialyq jobalardy qarjylandyrý úshin qosymsha resýrs bólý josparlanǵanyn atap aitty.
Premer-Ministr óńirlerdegi jaǵdai týraly oblystardyń jáne respýblikalyq mańyzy bar qalalardyń ákimderin tyńdady.
«Jalpy, óńirlerdegi jaǵdai baqylaýǵa alynǵan», - dedi A. Mamin.
