Óńirlerde infektsiialyq tósek-oryndardy qysqartý jumysy júrgizilip jatyr. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Kúndelikti monitoringke sáikes, osy jyldyń 14 qyrkúiegindegi jaǵdai boiynsha óńirler sheginde respýblikadaǵy infektsiialyq jáne reanimatsiialyq tósek-oryn júktemesi 35 paiyzdy quraidy. Tolyqtai alǵanda elde 1 tamyzdan bastap infektsiialyq tósek-oryn júktemesi - 56 paiyzdan, reanimatsiialyq tósek-oryn - 45 paiyzdan 35 paiyzǵa deiin tómendedi», - dedi ol.
Ministrdiń aitýynsha, koronavirýs infektsiiasy boiynsha epidemiologiialyq ahýaldyń turaqtanýyna bailanysty óńirlerde infektsiialyq tósek oryndardy qysqartý jumystary júrgizilip jatyr.
«25 tamyzdan beri Almaty, Nur-Sultan, Shymkent qalalarynda, Atyraý, Qaraǵandy, Túrkistan, Mańǵystaý oblystarynda koronavirýs infektsiiasyn juqtyrǵan naýqastardy emdeýge arnalǵan infektsiialyq bólimshe retinde ashylǵan 57 nysan jabyldy. Jalpy tósek-oryn qory 12 211 tósek-orynǵa qysqardy», - dedi Aleksei Tsoi.
