Óńirlerde gaz tehnikalyq inspektsiialary baqylaý fýnktsiialaryn tiisti deńgeide oryndamai otyr. Bul týraly QR Tótenshe jaǵdailar vitse-ministri Mereke Pishembaev aitty, dep habarlaidy QazAqparat.
«Qaiǵyly oqiǵalardyń basty sebepteriniń biri – zańnamada kózdelgen jergilikti atqarýshy organdardyń gaz tehnikalyq inspektsiialarynyń baqylaý fýnktsiialaryn tiisti deńgeide oryndamaýy bolyp otyr. Búginde ákimdikter men Bas prokýratýranyń málimetine sáikes, Nur-Sultan, Almaty, Shymkent qalalarynyń ákimdikterin qospaǵanda, jergilikti atqarýshy organdar gaz jáne gazben jabdyqtaý salasyndaǵy memlekettik baqylaýdy jetkiliksiz deńgeide júrgizýde, Kásipkerlik kodekste kózdelgen tekserý is-sharalary josparlanbaidy jáne júrgizilmeidi», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, birqatar ákimdikter (Aqmola, Almaty, Atyraý, Qaraǵandy, Pavlodar, Soltústik Qazaqstan) gaz jáne gazben jabdyqtaý salasynda memlekettik baqylaý kezinde uiymdastyrýshylyq máseleler bolǵanyn, shtat jetispeýshiligin jáne qosymsha bilim berý múmkindigi men tehnikalyq beiindik bilimi bar mamandardyń bolmaýyn atap ótken.
«Sondai-aq, jergilikti organdarda aýdandyq ákimdikter deńgeiinde gaz jáne gazben jabdyqtaý salasynda memlekettik baqylaý júrgizetin tiisti bólimsheler qurylmaǵan», - dedi Pishembaev.
