QR Premer-Ministri Asqar Maminniń tóraǵalyǵymen ótken Úkimet otyrysynda indýstriia jáne infraqurylymdyq damý ministri Beibit Atamqulov óńirlerdiń jylytý maýsymyna daiyndyǵy týraly baiandady, dep habarlaidy "Ult aqparat".
«Jergilikti atqarýshy organdar 10 623 derbes qazandyqty jóndeýdi josparlaǵan, onyń ishinde 10 606 qazandyq nemese 99,8% daiyndaldy. Jóndeý jumystary Mańǵystaý oblysynda – 94,2 %, Qyzylorda oblysynda – 99,2 %, Shymkent qalasynda - 99,3 % jalǵasýda. Qalǵan óńirlerde derbes qazandyqtardyń tolyq daiyndyǵy qamtamasyz etilgen. Jylý jelilerin daiyndaýǵa qatysty josparlanǵan 4 990 km jylý jelilerinen aǵymdaǵy kezeńde 4 943 km jylý jelileri nemese 99,1% jóndeldi. Jylý jelilerin jóndeý boiynsha tómengi daiyndyq Nur-Sultan qalasynda – 73,6%, Mańǵystaý oblysynda – 91,7%, Atyraý oblysynda – 96,8%», — dedi Beibit Atamqulov.
Sýmen jabdyqtaý jelilerin daiyndaýǵa qatysty, 15 116 km sýmen jabdyqtaý jelilerin jóndeý josparlanǵan, is júzinde 14 917 km nemese 98,7% jóndeldi. Sýmen jabdyqtaý jelilerin jóndeý boiynsha Nur-Sultan qalasynda – 71,6 % , Aqtóbe oblysynda – 83,8 %, Túrkistan oblysynda – 89,9 %, Shymkent qalasynda – 90,5 % ázirlik tómen.
Bilim berý nysandaryn daiyndaý boiynsha aǵymdaǵy kezeńge 10 967 bilim berý obektisi daiyndaldy nemese jospardaǵydan 99,6 % oryndaldy. Barlyq bilim berý obektilerin 1 qyrkúiekke deiin daiyndaý josparlanǵan bolatyn. Alaida, daiyn emes obektiler úsh óńirde qaldy: Nur-Sultan qalasynda daiyndyq – 97,7 %, Batys Qazaqstan oblysynda – 99,5 %, Atyraý oblysynda – 99,5 %.
Densaýlyq saqtaý obektilerin daiyndaýǵa qatysty, 5 936 obektini daiyndaý josparlanǵan, sonyń ishinde 5 921 obekti nemese 99,7 % daiyndaldy. Qalǵan óńirlerge qaraǵanda daiyndyǵy tómen Atyraý oblysynda – 95,2 %, Aqtóbe oblysynda – 98,9 %, Batys Qazaqstan oblysynda – 99 % baiqalady. 46 809 turǵyn úi jóndeýge josparlanǵan, is júzinde 45 908 turǵyn úi nemese 98,1 % daiyndaldy. Turǵyn úilerdi jylytý maýsymyna daiyndaý boiynsha Batys Qazaqstan oblysynda (84,5%), Túrkistan oblysynda (94,9 %), Shymkent qalasynda (90,7%) jumys qarqyny tómen.
2017 jyldan bastap Indýstriia jáne infraqurylymdyq damý ministrligi kóp páterli turǵyn úilerde, bilim berý, áleýmettik sala obektilerinde belgilengen qurylys normalary jáne erejelerin (QNjE) buza otyryp ornalastyrylǵan derbes qazandyqtardy shyǵarýǵa monitoring júrgizedi. Jalpy qurylys normalary jáne erejeleri buzýshylyqpen ornatylǵan 769 derbes qazandyq anyqtaldy, onyń ishinde 39-y - kóppáterli turǵyn úilerde, 730-y - bilim berý, áleýmettik mádeni turmys obektilerinde. Olardy shyǵarý jergilikti biýdjet nemese basqa da qarjylandyrý kózderi esebinen júzege asyrylady.
2019 jylǵy 19 qyrkúiektegi jaǵdai boiynsha 419 birlik DJJ nemese jospardan 54,5%-y shyǵaryldy. Shyǵarýdyń tómen qarqyny Qostanai oblysy – 13 %, Aqmola oblysy – 36 % jáne Qaraǵandy oblysynda – 51%.
«Kómir óndirýshi kompaniialarmen 75,1 mln tonna kómir óndirildi, bul ótken jyldyń uqsas kezeńimen salystyrǵanda 97,2 %-dy quraidy. Elimizdiń ishki naryǵyna osy kezeńde 51,5 mln tonna kómir jóneltildi. Energiia óndirýshi kásiporyndarǵa 39,6 mln tonna kómir jóneltildi, bul 2018 jyldyń uqsas kezeńimen salystyrǵanda 1,4%-ǵa az. Ónerkásiptik kásiporyndarǵa 4,8 mln tonna kómir jóneltildi, bul 2018 jyldyń uqsas kezeńimen salystyrǵanda 15,2%-ǵa az. Kommýnaldyq turmystyq qajettilikke jáne halyqqa 7,1 mln tonna kómir jóneltildi, bul 2018 jyldyń kezeńimen salystyrǵanda 92,8%-dy quraidy. Kómir eksporty 19,8 mln tonnany quraidy, bul ótken jyldyń sáikes kezeńimen salystyrǵanda 100,4% quraidy», — dedi QR indýstriia jáne infraqurylymdyq damý ministri.
Kommýnaldyq qyzmetter úshin tutynýshylardyń bereshegi 11,4 mlrd teńgeni quraidy. Eń kóp debitorlyq bereshek Almaty qalasynda– 2,6 mlrd teńge, Nur-Sultan qalasy – 1,7 mlrd teńge, Mańǵystaý oblysynda – 1,5 mlrd teńge, Shymkent qalasynda - 1,3 mlrd teńge kóleminde saqtalyp otyr. Sondai-aq 2018 jylmen salystyrǵanda Almaty qalasynda bereshektiń 533 mln teńgege ósýi baiqalady. Bul rette 2018 jylmen salystyrǵanda qaryzdardyń tómendeýi Shymkent qalasynda 1,1 mlrd teńgege jáne Nur-Sultan qalasynda 568 mln teńgege jetti.
Debitorlyq bereshek boiynsha eń tómen kórsetkishter Almaty oblysynda baiqalady — 5 mln teńge.
