2019 jyldyń 5 maýsymy - Oraza aittyń birinshi kúni. Osyǵan orai, "Ult aqparat" Qazaqstan qalalary boiynsha ait namazynyń ýaqyty týraly málimet usynady.
Málimet Qazaqstan musylmandary Dini basqarmasynyń resmi saitynan (muftyat.kz) alynyp otyr.
Nur-Sultan jáne Shymkent qalalarynda, sondai-aq Mańǵystaý, Túrkistan, Atyraý, Aqtóbe, Aqmola, Soltústik Qazaqstan, Pavlodar, Shyǵys Qazaqstan oblystarynda Oraza ait namazy oqylatyn ýaqyt saǵat 07:00-ge belgilengen.
Sonymen qatar, ait namazy Almaty qalasy men Qyzylorda oblysynda saǵat 06:00-de, Jambyl, Batys Qazaqstan, Almaty, Qaraǵandy oblystarynda saǵat 06:30 kezinde, Qostanai oblysynda saǵat 07:30-da oqylady.
Aita keteiik, pitir sadaqasy Ramazan aiynda, iaǵni ramazan aiy bastalǵannan bastap ait namazyna deiingi aralyqta berilý qajet. Eger pitir sadaqasyn bermegender bolsa, birinshi kezekte Ait namazyna deiin pitir sadaqasyn berýi tiis. Ait namazynan keiin berilgen pitir sadaqa jái sadaqa bolyp qalady.
Oraza aityndaǵy musylmannyń jasaýy tiis amaldar: tákbir aitý, Ait namazyn oqý, namazǵa shyǵar aldynda qurma jep shyǵý, jańa kiim kiiý, ǵusyl quiyný, átirlený. Oraza jáne Qurban ait kúnderi oraza ustaýǵa bolmaidy.
