Taý-ken metallýrgiia ónerkásibi men qurylys, himiia salasynda jumys istep turǵan 18 kásiporyn eldegi eń 50 iri lastaýshy kásiporyndar tizimine kiredi. QR Indýstriia jáne infraqurylymdyq damý birinshi vitse-ministri Qaiyrbek Óskenbaev Úkimet otyrysynda osy kompaniialardyń ekologiialyq mindettemelerdi qalai oryndap jatqany týraly málime berdi, dep habarlaidy QazAqparat tilshisi.
«Lastaýshy zattardyń edáýir bóligi ónerkásipke, atap aitqanda, taý-ken metallýrgiia kesheni sektoryna tiesili. Ministrlik 122 iri jáne orta kásiporynmen birlesip atmosferaǵa tastalatyn ekologiialyq shyǵaryndy kólemin azaitý boiynsha sharalar qabyldaýda.
Atap aitqanda, taý-ken metallýrgiia ónerkásibiniń, qurylys jáne himiia salasynyń jumys istep turǵan 18 kásiporny eldiń birinshi sanattaǵy 50 iri lastaýyshtar tizimine kiredi.
Osy kásiporyndarmen naqty indikatorlardy qamtityn shyǵaryndylardy azaitý týraly tiisti memorandýmdarǵa qol qoiyldy jáne iske asyryla bastady», - degen vitse-ministr óndiris alpaýyttarynyń árqaisysyna jekelei toqtaldy.
«Kaztsink» jaýapkershiligi shekteýli seriktestiginde kúkirt qyshqyly zaýytynda gaz-aýa qospasyn zalalsyzdandyrý jáne súzgi júiesi jabdyqtaryn jańartý arqyly shyǵaryndylar kólemi 53,3 tonnaǵa tómendetildi.
«Aliýminii Qazaqstan» kásiporny shyǵaryndylardy azaitý strategiiasy qabyldanyp, emissiialardy 10 myń tonnaǵa tómendetý úshin 34 mlrd teńge investitsiialaý josparlaýda», -dedi Qaiyrbek Óskenbaev.
Vitse-ministr «ArselorMittal Temirtaý» kásipornynyń da ekologiiany jaqsartýǵa baǵyttalǵan jospary bar ekenin atady.
«Munda mazýt, suiytylǵan gaz ben qatty otyndy tabiǵi gazǵa aýystyrý, shań tazalaý jabdyqtary men tazartatyn qurylystardy jańartý, sondai-aq elektr súzgilerin salý jumystary bastaldy. Jalpy «ArselorMittal Temirtaý» aldaǵy 10 jylda ekologiialyq ahýaldy jaqsartý sharalaryna 830 mln dollardan astam qarjy investitsiialaýdy josparlap otyr», - dedi vedomstvo ókili.
