Óner men bilim – órkendeýdiń órisin keńeitetin salalar

Egemendigimizdi alyp, esimizdi jinap, eńsemizdi kótergen kúnnen bergi kezeńge qarasaq, el tarihynda eleýli oqiǵalar az bolǵan joq. Tóbesi kók tiregen kóp qabatty záýlim úiler, oqý oshaqtary, óner ordalary birinen soń biri boi kóterip, elimiz eldi mekenderiniń ajary eselene tústi.

Kúni keshe elordada erteńgi el bolashaǵyna eńbek etetin eki birdei ǵimarattyń qurylysy aiaqtaldy. Onyń biri – aýdany 14 myń sharshy metr bolatyn, 1200 oqýshyǵa laiyqtalǵan, 48 oqý kabineti bar №84 mektep-litseii bolsa, ekinshisi – otandyq bi óneriniń damýyna dańǵyl jol ashatyn Qazaq ulttyq horeografiia akademiiasy. Osynaý óner men bilim ordalaryna Elbasy Nursultan Nazarbaev arnaiy baryp, ashylý saltanatyna qatysty.

Elbasy jinalǵandardy jańa mekteptiń ashylýymen quttyqtap, táýelsizdik jyldarynda bilim berý salasyn damytý jáne qajetti infraqurylymdy qalyptastyrý úshin memleket kóp kúsh-jiger jumsaǵanyn atap ótti.

– Kóptegen jastarymyz shet elderde bilim alýda, bul jyldarda elimiz boiynsha 1700-den astam mektep, sonyń ishinde ziiatkerlik mektepter ashyldy. Biyl 60 jańa oqý ornyn ashý josparlanýda. Osy qadamdar jas urpaqtyń ósip-órkendeýi men elimizdiń bolashaǵy úshin jasalyp jatyr. Bul mektep sheih Halifpen kelisim negizinde sonyń qarajaty esebinen salyndy. Sol úshin oǵan alǵys aitamyn, – dedi Nursultan Nazarbaev.

Oqý ornynyń infraqurylymy 30 oryndyq oqý zaly bar kitaphanany, 360 oryndyq májilis zalyn, sport zalyn, júgirý jolaǵyn, sondai-aq fýtbol, basketbol, voleibolmen ainalysýǵa arnalǵan alańdardy qamtidy.

Sodan soń Elbasy Qazaq ulttyq ho­reografiia akademiiasynyń ashy­lý rásimine qatysyp, qazaqstan­dyq­tardy elordada jańa joǵary oqý or­nynyń boi kóterýimen quttyq­tady.

– Búgin biz Astanada jańa óner ordasyn saltanatty túrde ashyp otyrmyz. Bul jerde ulttyq balet pen bi sheberleriniń jańa shoǵyry oqyp, tárbielenedi. Munda qazaqstandyq salt-dástúr damyp, álemdik deń­gei­degi bi ónerin damytýǵa jańasha qadamdar jasalatyn bolady. Ult­tyq horeografiia akademiiasy – biz­diń elimizde ǵana emes, búkil Or­ta­lyq Aziia elderindegi osy úlgidegi al­ǵashqy joǵary oqý orny. Onda qazaqstandyqtarmen birge, ózge shet elderdiń shyǵarmashyl daryn­dy jastary oqityn bolady. Elimiz­degi bul akademiia ýaqyt óte kele búkil Eýraziiadaǵy balet pen bi she­berlerin daiyndaityn jetekshi or­talyqtardyń biri bolatynyna se­nemin, – dedi Qazaqstan Prezidenti.

Memleket basshysy akade­miia­daǵy oqý isi bi men balet óneriniń ne­gizderinen bastap joǵary oqý ornynan keiingi magistrler men doktoranttardy daiyndaýǵa deiingi bilim berý úrdisiniń barlyq deńgeiin qamtitynyn atap ótti.

– Bul kóp deńgeili kásibi horeografiialyq bilim beretin tolyq tsikldy akademiianyń mańyzdylyǵy men biregeiligin eskere otyryp, oǵan meniń Jarlyǵymmen «Ulttyq joǵary oqý orny» airyqsha már­te­besi berildi. Sizder osy jańa óner ordasynda joǵary halyqaralyq ólshem men bilim berýdiń otan­dyq qaitalanbas standartyn qalyp­tastyrýǵa tiistisizder. Sizder Qazaq­stannyń bi men balet óneriniń jańa ulttyq brendin ornyqtyrady dep senemin, – dedi Nursultan Ábishuly.

Sondai-aq, Qazaqstan Prezi­denti oqý ornynyń biýdjetten tys qarajat kózderine salyn­ǵa­nyn aityp, sáýletshiler men qury­lys­shy­larǵa atqarǵan jumystary men shy­ǵar­mashylyq eńbekteri úshin alǵys bildirdi.

Rásim barysynda Nursultan Nazarbaev akademiia rektory A.Asylmuratovaǵa balerinanyń sha­ǵyn músinin tabys etti.

– Bul músindi túlekter jyl saiyn bi­rinshi synyp oqýshylaryna tabys­taidy, ol balet ártisteriniń kásibi deń­­geii ósýiniń jalǵastyǵy men aka­­de­­miianyń dástúrler sabaqtas­ty­ǵy­nyń simvoly bolady, – dedi Elbasy.

A.Asylmuratova Qazaqstan Prezidentine bildirgen senimi men akademiiaǵa jaǵdai jasaǵany úshin alǵys aitty.

– Biz úshin munda biliktiligi joǵary ártister, pedagogtar, óner­ta­nýshylar ǵana emes, sondai-aq eli­mizdiń naǵyz patriottaryn, ónerdi qurmetteitin mádenietti azamattardy tárbieleý mańyzdy. Akademiia qazirgi moiyndalǵan mektepterdiń qatarynan óziniń laiyqty ornyn tabady dep úmittenemiz. Biz sol úshin bar kúshimizdi salamyz, – dedi akademiia rektory.

Sońynda Nursultan Nazarbaev oqytýshylar men stýdentterge eń­bek pen oqýda jetistikke, jańa shy­ǵarmashylyq jumysta tabysqa jetýine tilektestik bildirdi.

Qazaqstan Prezidenti akade­miianyń Qurmetti qonaqtar kita­byna qoltańba jáne «Ýaqyt qu­ty-kapsýlasyna» estelik jazba qal­dyrdy. Budan bólek, Elbasy balet zalyn, jataqhanany, ashana men birinshi synyp oqýshylaryna arnalǵan oqý synyptaryn aralap kórdi.

Nursultan Nazarbaev saltanatty rásimniń qorytyndysy boi­yn­sha ótken BAQ ókilderine ar­nalǵan brifing barysynda barsha qazaqstandyqtardy kele jatqan Bilim kúnimen quttyqtap, oqýshylarǵa, ata-analar men muǵalimderge tabys pen myqty densaýlyq tiledi.

Raýan QAIDAR,