Almatyda Abaidyń 175 jyldyǵyna orai «Men bir jumbaq adammyn ony da oila» atty kontsert ótti. Sharany Temirbek Júrgenov atyndaǵy Qazaq ulttyq óner akademiiasy uiymdastyrdy. Keshke mádeniet, óner salasynyń qairatkerleri qatysty, dep habarlaidy "Ult aqparat".
Ádebi mýzykalyq kesh Muhtar Áýezov atyndaǵy Qazaq memlekettik akademiialyq drama teatrynda ótti. Uly aqyn, kompozitor, filosof, aǵartýshy Abaidyń 175 jyldyq mereitoiyna arnalǵan ádebi-sazdy keshte kemeńgerdiń osyǵan deiin kóp aitylmaǵan ánderi oryndaldy.
«Biz tek óner adamy emespiz, elimizdiń bolashaǵy – jastardy óner men bilimge qatar baýlyp júrgen býynbyz. Sol sebepti, Abai ómiri men shyǵarmashylyǵy árbir talapty jastyń, janashyr úlkenniń ainymas serigine ainalýy kerek. Bul keshtiń osy, ortaq múddeni oryndaýda, kemeńger murasyna tereń úńilip, bolashaq urpaqqa úlgi-ónege berý jolynda mańyzy zor», – deidi Júrgenov atyndaǵy qazaq ulttyq óner akademiiasynyń rektory Aqan Ábdýáliev.
Keshte jas ártister Abaidyń qara sózderin mánerlep oqyp, sahnalyq qoiylymdaryn usyndy.
