Búgin QR Premer-Ministri Baqytjan Saǵyntaevtyń tóraǵalyǵymen ótken osy jyldyń sońǵy Úkimet otyrysynda óńdeý ónerkásibindegi eńbek ónimdiligin arttyrý máseleleri qaraldy. Indýstriia jáne infraqurylymdyq damý ministri J. Qasymbek baiandama jasady, dep habarlaidy "Ult aqparat".
Eńbek ónimdiligi elimizdiń básekege qabilettiliginiń mańyzdy faktory. Indýstriia jáne infraqurylymdyq damý ministri Jeńis Qasymbek ministrlik jetekshilik etetin ekonomikanyń negizgi salalary boiynsha biyl birinshi jartyjyldyqta ótken jyldyń sáikes kezeńimen salystyrǵanda oń serpin baiqalady. Kólik salasynda kórsetkish — 3,1%, qurylysta — 9,3%,ónerkásipte kórsetkish 4,3%-ke ósti.
«Ónerkásip salalaryndaǵy ósim taý-ken ónerkásibinde (ósim 9,1%-ke), sondai-aq sýmen jabdyqtaýda (ósim 3,3%-ǵa) baiqalyp otyr. Óńdeý ónerkásibindegi eńbek ónimdiliginiń indeksi 98,2%-dy qurady. Ónimdilik mashina jasaýda 11,5%-ǵa, himiia ónerkásibinde 9,2%-ǵa jáne jeńil ónerkásipte 1,6%-ǵa ulǵaidy», — dedi J. Qasymbek.
2018 jyldyń jartyjyldyǵynyń qorytyndysy boiynsha jumyspen qamtylǵandar sany 45,1 myń adamǵa nemese 2017 jyldyń sáikes kezeńimen salystyrǵanda 8,9 %-ǵa ósti (505,5-ten 550,6 myń adamǵa deiin – ózin-ózi jumyspen qamtyǵandardy eseptemegende).
Óz baiandamasynda indýstriia jáne infraqurylymdyq damý ministri saladaǵy eńbek ónimdiligin odan ári arttyrý maqsatynda óńirlerde jumysty kúsheitý qajettigin atap ótti. Bul — qarjylyq qoldaý quraldaryn damytý arqyly kásiporyndardy jańǵyrtýdy investitsiialaýǵa yntalandyrý qajet. Kólemi men uzaq merzimdi qarjylandyrý qoljetimdiligin arttyrý, ozyq jabdyqtar men tehnologiialardy paidalaný turǵysynan memlekettik qoldaý alatyn jobalarǵa qoiylatyn talaptardy kúsheitý kerek. Budan ózge, J. Qasymbektiń aitýynsha, ónerkásipti tsifrlandyrý boiynsha josparlanǵan sharalardy iske asyrýdy jalǵastyrý, onyń ishinde kásiporyndarǵa qoiylatyn tehnologiialyq talaptar men standarttardy arttyrý qajet.
Jalpy, eńbek ónimdiligi máseleleri QR indýstriialyq-innovatsiialyq damytýdyń 2020–2025 jyldarǵa arnalǵan tujyrymdamasyn ázirleý kezinde eskerildi. Eńbek ónimdiligi Indýstriialandyrýdyń úshinshi baǵdarlamasynyń negizgi indikatorlarynyń biri bolyp aiqyndaldy.
Óńirlerde júrgizilip jatqan jumystar týraly Almaty oblysynyń ákimi A. Batalov, Aqtóbe oblysynyń ákimi B. Saparbaev, Shyǵys Qazaqstan oblysynyń ákimi D. Ahmetov, Soltústik Qazaqstan oblysynyń ákimi Q. Aqsaqalov, Jambyl oblysynyń ákimi A.Myrzahmetov, Astana q. ákimi B. Sultanov, Atyraý oblysy ákiminiń birinshi orynbasary S. Shapkenov baiandady.
Máseleni qaraý qorytyndysy boiynsha Premer-Ministr Baqytjan Saǵyntaev Indýstriialandyrý kúninde sóz sóilegen kezde Elbasy ónerkásiptegi eńbek ónimdiligin ulǵaitý maqsatynda óńirlerdiń reitingin merzimdi túrde júrgizip turýǵa tapsyrma berdi. Alǵa qoiylǵan naqty mindet oryndalýy tiis.
