Atyraýǵa jumys sapary barysynda QR Eńbek jáne halyqty áleýmettik qorǵaý ministri Berdibek Saparbaev Qazaqstan Respýblikasy Úkimetiniń keńeitilgen otyrysynda berilgen áleýmettik-eńbek salasyndaǵy Qazaqstan Respýblikasy Prezidentiniń tapsyrmalaryn oryndaý máseleleri boiynsha keńes ótkizdi, dep habarlaidy "Ult aqparat" ministrliktiń baspasóz qyzmetine silteme jasap.
Keńeske jumyspen qamtýdy úilestirý jáne áleýmettik baǵdarlamalar, aýyl sharýashylyǵy, eńbek inspektsiiasy, memlekettik kiris basqarmalarynyń, Eńbek, áleýmettik qorǵaý jáne kóshi-qon departamentteriniń, halyqty jumyspen qamtý ortalyqtarynyń, ónerkásip kásiporyndarynyń basshylary, úkimettik emes uiymdar men «Atameken» kásipkerler palatasynyń ókilderi qatysty.
Keńeske qatysýshylar ataýly áleýmettik kómek kórsetý, jańa jumys oryndaryn qurý, halyqty jumyspen qamtý jáne qyzmetkerlerdiń eńbek quqyqtaryn saqtaý máselelerin qarady.
«Ústimizdegi jyldyń 1 sáýirinen bastap, AÁK boiynsha keńes alý úshin ýákiletti organdarǵa 14314 adam júgindi. Olardyń barlyǵyna tolyq jaýaptar men usynystar berildi. Búgingi kúni 32 670 adam turatyn 5 748 otbasyna jalpy somasy 1,3 mlrd. teńge ataýly áleýmettik kómek taǵaiyndalyp, tólendi», - dep habarlady Atyraý oblysy ákiminiń birinshi orynbasary Serik Shapkenov.
Óz kezeginde Berdibek Saparbaev óńirde júrgizilip jatqan jumystarǵa oń baǵa berip, birqatar ózekti máselelerge nazar aýdardy.
Ministr el Prezidentiniń tapsyrmasyna sáikes jergilikti jerlerde AÁK taǵaiyndaý jáne tóleý kezinde buzýshylyqtarǵa jol bermeýdi qamtamasyz etý, ýchaskelik komissiialardyń jumysyn kúsheitý jáne eńbekke jaramdy járdemaqy alýshylarmen áleýmettik kelisim-sharttar jasasý qajettigin atap ótti.
Jumyssyz jáne ózin-ózi jumyspen qamtyp otyrǵan azamattardy «Eńbek» memlekettik baǵdarlamasy aiasynda jumyspen qamtýǵa járdemdesýdiń belsendi sharalaryna tartý Eńbek ministri basa nazar aýdarǵan mańyzdy máselesiniń biri boldy.
«Aǵymdaǵy jyly jastarǵa, múgedektigi bar azamattarǵa, kópbalaly jáne az qamtylǵan otbasylarǵa jeńildikti mikrokreditter berý, óz biznesin ashýǵa arnalǵan granttar, úiden áleýmettik jumys oryndaryn qurý, biznestiń negizderin oqytý jáne tehnikalyq mamandyqtar talap etetin memlekettik qoldaý sharalarynyń aiasy aitarlyqtai keńeie tústi. Prezident tapsyrmasyna sáikes bul maqsatqa qosymsha 50 mlrd. teńge bólinip otyr», - dedi ministr.
Sondai-aq, keńes barysynda múgedektigi bar adamdardy áleýmettik qorǵaý sharalary talqylandy. Vedomstvo basshysy osy sanattaǵy azamattardy sapaly jáne tehnikalyq talaptarǵa tolyq sáikes keletin tehnikalyq ońaltý quraldarymen qamtamasyz etýdiń mańyzdylyǵyn atap ótti.
«Tehnikalyq quraldardyń qoldanýǵa yńǵaily bolýy men ómirdi naqty jeńildetýi mańyzdy másele. Osyǵan bailanysty Aqtóbede «Áleýmettik qyzmetter portaly» pilottyq jobasyn júrgizý bastaldy. Bul portal múgedektigi bar azamattarǵa óz betinshe, memlekettik satyp alýǵa qatyspai, jeke qajettilikterin eskere otyryp, óziderine kerekti tehnikalyq ońaltý quraldaryn men qyzmetterdi tańdaýǵa múmkindik beredi. Jalpy alǵanda, ministrliktiń mańyzdy basymdyǵy - múgedektigi bar azamattardyń quqyqtaryn qamtamasyz etý men ómir súrý sapasyn jaqsartý bolyp tabylady», - dedi Saparbaev.
Elimizdiń barlyq oblystarynda ońaltý ortalyqtary jumys isteýi tiis. Kelesi kezeń aýdandarda shaǵyn jinaqty ortalyqtardyń ashylýy bolmaq, dep atap ótti ministr.
Aita keterligi, aǵymdaǵy jyldyń mamyr aiynda múgedektigi bar azamattardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar qabyldandy. Ol josparǵa áleýmettik qorǵaý, bilim berý, densaýlyq saqtaý, áleýmettik qyzmetkerlerdiń biliktiligin arttyrý siiaqty sharalar kesheni kiredi.
Ónerkásip kásiporyndarynyń basshylaryna qaratyp aitqan sózinde Berdibek Saparbaev qyzmetkerlerdiń eńbek quqyqtarynyń múltiksiz saqtalýy, qolaily jáne qaýipsiz eńbek jaǵdailaryn qamtamasyz etý, jalaqy boiynsha bereshek máselesi men qazaqstandyq jáne sheteldik qyzmetkerlerdiń kemsitýshiligine jol bermeý qajettigin eske saldy.
Sonymen qatar, Atyraýǵa jumys sapary barysynda Berdibek Saparbaev arnaiy áleýmettik qyzmet kórsetý ortalyǵy men halyqty jumyspen qamtý ortalyǵynyń jumys barysymen tanysty.
