اتىراۋعا جۇمىس ساپارى بارىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ قازاقستان رەسپۋبليكاسى ٷكٸمەتٸنٸڭ كەڭەيتٸلگەن وتىرىسىندا بەرٸلگەن ەلەۋمەتتٸك-ەڭبەك سالاسىنداعى قازاقستان رەسپۋبليكاسى پرەزيدەنتٸنٸڭ تاپسىرمالارىن ورىنداۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
كەڭەسكە جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار, اۋىل شارۋاشىلىعى, ەڭبەك ينسپەكتسيياسى, مەملەكەتتٸك كٸرٸس باسقارمالارىنىڭ, ەڭبەك, ەلەۋمەتتٸك قورعاۋ جەنە كٶشٸ-قون دەپارتامەنتتەرٸنٸڭ, حالىقتى جۇمىسپەن قامتۋ ورتالىقتارىنىڭ, ٶنەركەسٸپ كەسٸپورىندارىنىڭ باسشىلارى, ٷكٸمەتتٸك ەمەس ۇيىمدار مەن «اتامەكەن» كەسٸپكەرلەر پالاتاسىنىڭ ٶكٸلدەرٸ قاتىستى.
كەڭەسكە قاتىسۋشىلار اتاۋلى ەلەۋمەتتٸك كٶمەك كٶرسەتۋ, جاڭا جۇمىس ورىندارىن قۇرۋ, حالىقتى جۇمىسپەن قامتۋ جەنە قىزمەتكەرلەردٸڭ ەڭبەك قۇقىقتارىن ساقتاۋ مەسەلەلەرٸن قارادى.
«ٷستٸمٸزدەگٸ جىلدىڭ 1 سەۋٸرٸنەن باستاپ, اەك بويىنشا كەڭەس الۋ ٷشٸن ۋەكٸلەتتٸ ورگاندارعا 14314 ادام جٷگٸندٸ. ولاردىڭ بارلىعىنا تولىق جاۋاپتار مەن ۇسىنىستار بەرٸلدٸ. بٷگٸنگٸ كٷنٸ 32 670 ادام تۇراتىن 5 748 وتباسىنا جالپى سوماسى 1,3 ملرد. تەڭگە اتاۋلى ەلەۋمەتتٸك كٶمەك تاعايىندالىپ, تٶلەندٸ», - دەپ حابارلادى اتىراۋ وبلىسى ەكٸمٸنٸڭ بٸرٸنشٸ ورىنباسارى سەريك شاپكەنوۆ.
ٶز كەزەگٸندە بەردٸبەك ساپارباەۆ ٶڭٸردە جٷرگٸزٸلٸپ جاتقان جۇمىستارعا وڭ باعا بەرٸپ, بٸرقاتار ٶزەكتٸ مەسەلەلەرگە نازار اۋداردى.
مينيستر ەل پرەزيدەنتٸنٸڭ تاپسىرماسىنا سەيكەس جەرگٸلٸكتٸ جەرلەردە اەك تاعايىنداۋ جەنە تٶلەۋ كەزٸندە بۇزۋشىلىقتارعا جول بەرمەۋدٸ قامتاماسىز ەتۋ, ۋچاسكەلٸك كوميسسييالاردىڭ جۇمىسىن كٷشەيتۋ جەنە ەڭبەككە جارامدى جەردەماقى الۋشىلارمەن ەلەۋمەتتٸك كەلٸسٸم-شارتتار جاساسۋ قاجەتتٸگٸن اتاپ ٶتتٸ.
جۇمىسسىز جەنە ٶزٸن-ٶزٸ جۇمىسپەن قامتىپ وتىرعان ازاماتتاردى «ەڭبەك» مەملەكەتتٸك باعدارلاماسى اياسىندا جۇمىسپەن قامتۋعا جەردەمدەسۋدٸڭ بەلسەندٸ شارالارىنا تارتۋ ەڭبەك مينيسترٸ باسا نازار اۋدارعان ماڭىزدى مەسەلەسٸنٸڭ بٸرٸ بولدى.
«اعىمداعى جىلى جاستارعا, مٷگەدەكتٸگٸ بار ازاماتتارعا, كٶپبالالى جەنە از قامتىلعان وتباسىلارعا جەڭٸلدٸكتٸ ميكروكرەديتتەر بەرۋ, ٶز بيزنەسٸن اشۋعا ارنالعان گرانتتار, ٷيدەن ەلەۋمەتتٸك جۇمىس ورىندارىن قۇرۋ, بيزنەستٸڭ نەگٸزدەرٸن وقىتۋ جەنە تەحنيكالىق ماماندىقتار تالاپ ەتەتٸن مەملەكەتتٸك قولداۋ شارالارىنىڭ اياسى ايتارلىقتاي كەڭەيە تٷستٸ. پرەزيدەنت تاپسىرماسىنا سەيكەس بۇل ماقساتقا قوسىمشا 50 ملرد. تەڭگە بٶلٸنٸپ وتىر», - دەدٸ مينيستر.
سونداي-اق, كەڭەس بارىسىندا مٷگەدەكتٸگٸ بار ادامداردى ەلەۋمەتتٸك قورعاۋ شارالارى تالقىلاندى. ۆەدومستۆو باسشىسى وسى ساناتتاعى ازاماتتاردى ساپالى جەنە تەحنيكالىق تالاپتارعا تولىق سەيكەس كەلەتٸن تەحنيكالىق وڭالتۋ قۇرالدارىمەن قامتاماسىز ەتۋدٸڭ ماڭىزدىلىعىن اتاپ ٶتتٸ.
«تەحنيكالىق قۇرالداردىڭ قولدانۋعا ىڭعايلى بولۋى مەن ٶمٸردٸ ناقتى جەڭٸلدەتۋٸ ماڭىزدى مەسەلە. وسىعان بايلانىستى اقتٶبەدە «ەلەۋمەتتٸك قىزمەتتەر پورتالى» پيلوتتىق جوباسىن جٷرگٸزۋ باستالدى. بۇل پورتال مٷگەدەكتٸگٸ بار ازاماتتارعا ٶز بەتٸنشە, مەملەكەتتٸك ساتىپ الۋعا قاتىسپاي, جەكە قاجەتتٸلٸكتەرٸن ەسكەرە وتىرىپ, ٶزٸدەرٸنە كەرەكتٸ تەحنيكالىق وڭالتۋ قۇرالدارىن مەن قىزمەتتەردٸ تاڭداۋعا مٷمكٸندٸك بەرەدٸ. جالپى العاندا, مينيسترلٸكتٸڭ ماڭىزدى باسىمدىعى - مٷگەدەكتٸگٸ بار ازاماتتاردىڭ قۇقىقتارىن قامتاماسىز ەتۋ مەن ٶمٸر سٷرۋ ساپاسىن جاقسارتۋ بولىپ تابىلادى», - دەدٸ ساپارباەۆ.
ەلٸمٸزدٸڭ بارلىق وبلىستارىندا وڭالتۋ ورتالىقتارى جۇمىس ٸستەۋٸ تيٸس. كەلەسٸ كەزەڭ اۋدانداردا شاعىن جيناقتى ورتالىقتاردىڭ اشىلۋى بولماق, دەپ اتاپ ٶتتٸ مينيستر.
ايتا كەتەرلٸگٸ, اعىمداعى جىلدىڭ مامىر ايىندا مٷگەدەكتٸگٸ بار ازاماتتاردىڭ قۇقىقتارىن قامتاماسىز ەتۋ جەنە ٶمٸر سٷرۋ ساپاسىن جاقسارتۋ جٶنٸندەگٸ ۇلتتىق جوسپار قابىلداندى. ول جوسپارعا ەلەۋمەتتٸك قورعاۋ, بٸلٸم بەرۋ, دەنساۋلىق ساقتاۋ, ەلەۋمەتتٸك قىزمەتكەرلەردٸڭ بٸلٸكتٸلٸگٸن ارتتىرۋ سيياقتى شارالار كەشەنٸ كٸرەدٸ.
ٶنەركەسٸپ كەسٸپورىندارىنىڭ باسشىلارىنا قاراتىپ ايتقان سٶزٸندە بەردٸبەك ساپارباەۆ قىزمەتكەرلەردٸڭ ەڭبەك قۇقىقتارىنىڭ مٷلتٸكسٸز ساقتالۋى, قولايلى جەنە قاۋٸپسٸز ەڭبەك جاعدايلارىن قامتاماسىز ەتۋ, جالاقى بويىنشا بەرەشەك مەسەلەسٸ مەن قازاقستاندىق جەنە شەتەلدٸك قىزمەتكەرلەردٸڭ كەمسٸتۋشٸلٸگٸنە جول بەرمەۋ قاجەتتٸگٸن ەسكە سالدى.
سونىمەن قاتار, اتىراۋعا جۇمىس ساپارى بارىسىندا بەردٸبەك ساپارباەۆ ارنايى ەلەۋمەتتٸك قىزمەت كٶرسەتۋ ورتالىعى مەن حالىقتى جۇمىسپەن قامتۋ ورتالىعىنىڭ جۇمىس بارىسىمەن تانىستى.
