Almaty oblysynda 4 oqýshy qyzdy kóligimen qaqqan mas júrgizýshi jábirlenýshiniń birine 10 million teńge tóleýge mindetteldi, dep habarlaidy "Ult aqparat".
«Sottalýshy Demesinov 10 jylǵa bas bostandyǵynan aiyryldy. Ol jazasyn qaýipsizdigi tómen mekemede óteitin bolady. Jábirlenýshi Sadirova moraldyq ziiandy óndirý týraly talap aryz berip otyr. Onyń talap-aryzy tolyǵymen qanaǵattandyrylyp, sottalýshydan jábirlenýshiniń paidasyna 10 mln teńge moraldyq ziian óndiriledi», - dedi sottalýshyǵa úkimdi shyǵarǵan Eńbekshiqazaq aýdanyndyq sotynyń sýdiasy Ainur Baltaqai.
Sondai-aq sýdia 10 jylǵa bas bostandyǵynan aiyrylǵan sottalýshyny ómir boiy kólik basqarý quqyǵynan aiyrdy.
Esterińizge sala keteiik, búgin Eńbekshiqazaq aýdanynyń №2 aýdandyq soty Qazaqstan Respýblikasynyń Qylmystyq kodeksiniń 345-1-babynyń 4-bóligi boiynsha A.Demesinovke qatysty qylmystyq isti qarady.
«Prokýror sot jaryssózinde sottalýshyǵa 10 jylǵa bas bostandyǵynan aiyrý jazasyn taǵaiyndap, ómir boiyna kólik júrgizý quqyǵynan aiyrýdy surady. Jábirlenýshiler de qatań jaza berýdi ótindi. Sottalýshyda qylmystyq jaýapkershilik pen jazany jeńildetetin mán-jai anyqtalmady. Qylmystyq kodekstiń 345-1-babynyń 4-bóliginiń sanktsiiasy 7 jyldan 10 jylǵa deiin bas bostandyǵyn aiyrý túrindegi jazany qarastyrady. 10 jylǵa sottaý - maksimaldy jaza. Atalǵan mán-jaidyń bárin eskere otyryp, sot Demesinovke eń qatań jaza – 10 jyl bas bostandyǵyn aiyrýdy taǵaiyndap, ómir boiyna avtokólik júrgizý quqyǵynan aiyrdy. Sonymen qosa, sot qaiǵyly oqiǵanyń oryn alýyna jol bergen jergilikti atqarýshy organdar men quqyq qorǵaý organdaryna qatysty jeke qaýly shyǵardy» delingen Eńbekshiqazaq aýdanynyń №2 aýdandyq sotynyń baspasóz qyzmeti jariialaǵan habarlamada.
Esterińizge sala keteiik, 2 naýryz saǵat 18:40 shamasynda Eńbekshiqazaq aýdanynyń Qoram aýylynda mektepten qaityp kele jatqan 4 oqýshyny kólik qaǵyp ketken edi.
«Ýaz» avtokóligi jol jieginde turǵan 10 jasar eki jáne 9 jastaǵy eki qyzdy qaqty. Artynsha Qoram aýylynyń 54 jastaǵy turǵyny ustaldy. Ol kólikti mas kúiinde júrgizgen.
Ártúrli dene jaraqatyn alǵan úsh bala aýrýhanaǵa tústi. 14 naýryz kúni birinshi oqýshy, 4 sáýir kúni ekinshi oqýshy esin jimastan kóz jumdy.
Aita keteiik, Prezident Qasym-Jomart Toqaev mas júrgizýshige qatysty tergeýdi óz baqylaýyna alǵany habarlanǵan bolatyn.
