Túrkistan oblysynyń ákimi Ómirzaq Shókeev «NUR OTAN» partiiasyna kómek surap kelgen turǵyndarmen kezdesip, olardyń muń-muqtajyn tyńdady.
Partiianyń oblystyq filialynyń «Open Space» formatyndaǵy Qoǵamdyq qabyldaýynda aimaq basshysy azamattardyń máselelerine bailanysty qoldaý bildiretindigin jetkizdi, dep habarlaidy QazAqparat tilshisi.
Óńir basshysynyń qabyldaýyna kelgen kópbalaly ana Uljan Toilybaeva ataýly áleýmettik kómek alý máselesin kóterdi. Sondai-aq baspanaǵa qol jetkize almai júrgenin aityp, partiia filialy tóraǵasynan kómek surady. Al, qarapaiym muǵalim M. Israilova ulttyq baǵytta bilim beretin qyzdar mektebin ashýdy armandaitynyn jetkizdi. Batyr ana óz maqsatyn júzege asyrý jolynda ǵimarat surap, ákimdik tarapynan qoldaý bolsa jegen tilegin aityp ótti. Qabyldaýda sondai-aq, oblystyq áielder keńesiniń tóraiymy B. Jandosova respýblikalyq «Ónege» jobasynyń jumysyn jandandyryp, Túrkistannan turmystyq zorlyq-zombylyqqa ushyraǵan azamattarǵa arnalǵan daǵdarys ortalyǵyn ashsaq degen ideiasymen bólisti. Azamattardyń aitqan usynys tilekterin tyńdaǵan Ómirzaq Shókeev áleýmettik mańyzy zor bastamalarǵa qoldan kelgenshe kómek berýge ýáde etti.
Aita keteiik, «Nur Otan» partiiasy Túrkistan oblystyq filialynyń «Open space» formatynda ashylǵan Qoǵamdyq qabyldaý keńsesine barlyq memlekettik organ jetekshileri, oblys ákimi, basqarma basshylary ai saiyn kelip, turǵyndarmen qabyldaý ótkizip turady.
