Túrkistan oblysynyń ákimi Ómirzaq Shókeev Maqtaaral aýdanyndaǵy kezekti jumys saparynda qurylys jumystarynyń barysymen tanysyp, Órgebas, Firdaýsi aýyldarynyń turǵyndarymen kezdesti, dep habarlaidy "Ult aqparat" óńir basshysynyń baspasóz qyzmetine silteme jasap.
Maqtaaral aýdanyndaǵy jaǵdai alǵashqy kúnnen memleket nazarynda ekeni málim. Sý tasqyny saldaryn joiyp, aýdannyń kúndelikti tirshiligin qaita qalpyna keltirý úshin qajetti sharalar qabyldanyp, qiraǵan baspanalardyń ornyna jańa turǵyn úiler salynýda.
4 myńdai halyq meken etken eki eldi mekendegi 500-den astam baspana tolyǵymen buzylyp, qaita salynyp jatyr. Sý basýdyń saldarynan zardap shekken ár úidiń qurylysyna memleketten 17 mln teńge bólingen. Turǵyndar ony tórtke bólip alýda. Qurylysy júrip jatqan úilerdiń qabyrǵalary qalanyp, shatyry jabylyp jatyr. Eki aýylǵa 2 myńǵa jýyq jumysshy jumyldyrylǵan. Áleýmettik nysandar jóndelip, infraqurylym qalpyna keltirilýde. Asfalt tóseý jumystary eldi mekendegi turǵyn úilerdiń qurylysynan keiin júrgizilmek.
