London - 2012 Olimpiadasynyń chempiony, Beijiń-2008 jáne Rio-2016 Olimpiada oiyndarynyń júldegeri Olga Rypakova aldaǵy josparlary týraly suraqtarǵa jaýap berdi, dep habarlaidy QazAqparat.
«Men bul másele týraly áli oilanbadym, biraq bir nárseni aitaiyn: bul - meniń sportshy retindegi sońǵy Olimpiadam. Josparlar týraly aitýǵa áli erte, azdaǵan ýaqyt ótsin, biraq bolashaqta da meniń ómirim men jumysym sportpen tyǵyz bailanysty bolady dep oilaimyn», - dedi Rypakova Ortalyq kommýknikatsiialar qyzmetinde.
Ol bolashaqta ózin sportpen bailanysty salada kóretinin atap ótti.
«Meniń maqsatym, meniń tilegim – Qazaqstandaǵy sporttyń, onyń ishinde jeńil atletikanyń damýyna taǵy da úles qosý. Men áli de kómekteskim keledi, bizdiń elimizde jeńil atletikadan Olimpiada men Álem chempiondary kóp bolǵanyn qalaimyn. Ómirdiń aǵysy qalai bolatynyn qarap kóreiik», - deidi jeńil atlet.
Sportshy óz qyzynyń da ómiri men qyzmeti kásibi sportpen bailanysty bolsa, jan-jaqty qoldaý kórsetetinin aitty.
