Qyrǵyzstannyń burynǵy premer-ministri Ómirbek Babanov Qyrǵyzstanǵa oraldy. Bul týraly advokaty Amantýr Abdyrahmanov habarlady.
Onyń sózine qaraǵanda, saiasatker tergeý izoliatoryna oralǵan jáne qalǵan emdi sol jaqta qabyldaidy. Abdyrahmanovtyń aitýynsha, Babanov Qyrǵyzstanǵa birneshe kún buryn kelgen.
Al, saiasatkerdiń kómekshisi Mirsýljan Namazaliev Tengrinews.kz agenttigine burynǵy úkimet basshysynyń Máskeýden Bishkekke kólikpen jetkenin aitty.
"Ol dárigerler ushýǵa tyiym salǵandyqtan usha almady. Keshe keldi, qazir úide", - dedi ol.
Ómirbek Babanov Qyrǵyzstannan tamyz aiynyń basynda Bishkek-Máskeý reisimen ushyp ketken edi. Onyń aldynda iaǵni, 27 shildede sot onyń bultartpaý sharasyn ózgertip, shetelde emdelýi úshin qamaýdan bosatqan. Advokat Amantýr Abdyrahmanovtyń aitýynsha, Qyrǵyzstanda dárigerler Babanovqa naqty diagnoz qoia almaǵan.
Burynǵy premer-ministr 31 mamyrda "Qumtór" isi boiynsha ustalǵan.
"Qumtór" kenishi boiynsha qozǵalǵan qylmystyq iske qatysty Qyrǵyzstanda Babanovtan bólek, birneshe laýazymdy qyzmetker ustalǵan. Olardyń arasynda burynǵy jáne qazirgi depýtattar, sheneýnikter bar: Asylbek Jeenbekov, Torobai Zýlpýkarov, Ishak Pirmatov jáne Talantbek Ýzakbaev, eks-prezident Almazbeka Atambaevtyń Jogorký Keńeshtegi ókili Daniiar Narymbaev, Taiyrbek Sarpashev jáne burynǵy premer-ministr Temir Sariev.
Tergeý isine kómektesý jóninde qolhat jazǵannan keiin Almazbek Baatyrbekov, Talantbek Ýzakbaev, Ishak Pirmatov jáne Taiyrbek Sarpashevtar tergeý abaqtysynan úiqamaqqa aýystyrylǵan.
