«Omikron» shtamyna bailanysty alańdaýshylyq bar, alaida dúrbeleńge túsýdiń qajeti joq. Bul týraly Profilaktikalyq meditsina akademiiasynyń prezidenti Almaz Sharman aitty, dep habarlaidy QazAqparat.
Onyń sózine qaraǵanda, «omrikon» shtamy qazir Amerika men Eýropanyń birqatar eline tarap úlgergen, endi biraz ýaqytta ol álemniń ár túkpirine jetedi.
«Bul joly Dúniejúzilik densaýlyq saqtaý uiymy birden áreket etti. Iá, alańdaýshylyq bar, alaida dúrbeleńge túsýdiń qajeti joq. «Omrikon» shtamy jaily alǵash Ońtústik Afrikadaǵy Dýrban ýniversiteti janyndaǵy innovatsiialyq epidemiologiialyq ortalyqtyń doktory Tulio de Oliveira málimdedi. Onyń komandasy sekvenirleýdiń molekýliarly ádisimen 50-den astam mýtatsiiany anyqtady. Sonyń 32-si osy «omrikon» shtamynda boldy. Árine, buryn-sońdy bolmaǵan mundai mýtatsiia sany atyshýly Delta nusqasyndaǵy mýtatsiialar sanynan birneshe ese joǵary ári ǵalymdardyń alańdaýshylyǵyn týdyrdy, al DDU tiisinshe dúrbeleń týdyrdy, – dep jazdy professor Almaz Sharman Facebook-tegi paraqshasyna.
Sonymen qatar, ol koronavirýstyń jańa shtamdary vaktsina alý deńgeii tómen elderden shyǵyp jatqanyn jetkizdi.
«Omicron nusqasynyń paida bolý sebepteriniń biri – eń aldymen, vaktsina almaǵan ári immýn tapshylyǵy bar adamdardyń aǵasynda virýstyń uzaq merzimdi replikatsiiasy bolýynan. Ondai adamdar Ońtústik Afrikada óte kóp. Sondyqtan bizge basty kúshti vaktsina alýǵa bólý kerek», – dep jazdy ol.
