27 qarashada Eýropanyń birneshe memleketi Ońtústik Afrikada anyqtalǵan koronavirýstyń mýtatsiiaǵa jyldam ushyraityn jáne tez taralatyn túri tirkelgenin habarlady.
DDSU "Omikron" dep ataǵan koronavirýstyń jańa túri Ulybritaniia, Belgiia, Germaniia, Daniia, Chehiia, Izrail jáne Italiiada anyqtalǵan. Bul elderge virýs kóp jaǵdaida Ońtústik Afrikadan barǵan jolaýshylar arqyly kelgen. Álem elderi "Omikron" tirkelgen elderden keletin ushaqtar sanyn jappai shektep jatyr.
Osy aptada Ońtústik Afrikada tarala bastady degen koronavirýstyń jańa túri ǵalymdardy alańdatyp otyr. AQSh úkimetiniń juqpaly aýrýlar jónindegi sarapshysy doktor Entoni Faýchidiń aitýynsha, omikron AQSh-ta áli anyqtalmaǵanmen, qazir tirkelip jatsa, tańǵalmaitynyn aitty.
"Tez juǵatyn virýsqa tap bolǵan kezde jáne ol saiahattap júrgen týristerden tabylǵan bolsa, is júzinde ol barlyq jerge taralady" dedi Faýchi.
"Omikron" jaily aqparat áli az. Ǵalymdarǵa onyń vaktsinaǵa áserin, taralý jyldamdyǵy men aýrýdy asqyndyrý deńgeii, emdeý jolyn túsiný úshin birneshe apta kerek. Densaýlyq saqtaý salasynyń kóptegen sarapshylary "Omikrondy" qazirgi vaktsinalar tejei almaýy múmkin dep boljaidy.
