Ertis aýdany pedagogtarynyń bir toby Resei Federatsiiasy Omby qalasynyń mektepterin aralady, dep habarlaidy "Ult aqparat" pavlodarnews.kz silteme jasap.
Aýdandyq bilim berý bóliminiń bergen aqparatyna sáikes, sapar halyqaralyq yntymaqtastyq aiasynda júzege asqan.
«Ertis aýdanynyń Severnyi jalpy orta mektebi Reseidiń Omby qalasynyń mektepterimen 15 jyl boiy tyǵyz qarym-qatynas ornatqan, - dep málim etti aýdandyq bilim berý bólimi. - L.Polishýk atyndaǵy №97 mektepte bolǵanda taraptar birqatar kelisimderge qol jetkizdi. Sonyń nátijesinde mektep ishinde qazaq mádeni ortalyǵyn ashý jónindegi memorandýmǵa qol qoiyldy».
Memorandýmǵa L.Polishýk atyndaǵy №97 mektep direktory Olga Maltseva men Severnyi jalpy orta mektebiniń direktory Nyǵman Júsipov qol qoidy. Qujatqa sáikes, Ertis aýdany men Omby oblysynyń shekaralas mektepteriniń jelilik qoǵamdastyǵyn keńeitý josparlanǵan.
Kezdesý sońynda Ertis aýdandyq bilim berý bóliminiń basshysy Samal Qadyrova Ombynyń №97 mektebi oqýshylaryna «Qazaq handyǵy» ziiatkerlik oinyn syiǵa tartty. Sol arqyly ombylyq jas jetkinshekter oiyn ádisimen qazaq mádenietimen tanysa alady.
