Aqyn, qoǵam qairatkeri Oljas Súleimenov «Nevada-Semei» qozǵalysynyń Halyqaralyq konferentsiiasyn ótkzýdi josparlap otyr, dep xabarlaidy QazAqparat tilshisi.
«Kelesi jyly aqpan aiynda biz konferentsiiany ótkizemiz. Atalǵan shara «Nevada-Semei» qozǵalysynyń 30 jyldyǵyna arnalady. Oǵan Japoniia, AQSh jáne taǵy basqa elderdi shaqyramyz. Sol jerde iadrolyq qarýsyzdandyrý salasyndaǵy qoǵamdyq uiymdardyń rólin talqylaityn bolamyz», - dedi O.Súleimenov Astanada ótken konferentsiiada.
Onyń aitýynsha, «Nevada-Semei» qozǵalysy qurylǵan jyldary qoǵamdyq uiymdardyń belsendiligi joǵary bolǵan. Qazaqstandyq uiymnyń bastamasymen iadrolyq qarýǵa qarsy Jahandyq alians ta qurylǵan edi. Oǵan osy saladaǵy barlyq birlestikter kirdi. Sol kezde jumys baǵdarlamasy ázirlenip, qoǵamdyq uiymdardyń qyzmeti boiynsha naqty jobalar da usynyldy. Sonyń biri - parlamentaralyq referendým.
«Biz «Jer-jahanda ómirdi saqtap qalý úshin iadrolyq qarýdyń qajeti bar ma?» degen naqty bir suraqty ǵana kún tártibine engizýdi kózdedik. Barlyq parlamentter osy suraqqa «iá» nemese «joq» degen naqty jaýap berýge tiisti. Sonda KSRO-nyń Joǵarǵy keńesi birinshi bolyp «joq» degen jaýap beremiz dedi. Artynan AQSh Kongresi de solai isteidi degen jospar boldy. Aradaǵy bailanysymyz da jaqsy boldy. Reigan da qoldady. Sonda bizdiń «Álemniń barlyq sailaýshylary iadrolyq qarýǵa qarsy!» degen uranymyz óz nátijesin beretin edi. Biraq Keńester Odaǵy ydyrady. Ókinishke qarai, Jahandyq alians ta óz jumysyn toqtatty», - dep atap kórsetti O.Súleimenov.
Aita keteiik, búgin Astanada «Qazaqstan men Japoniianyń iadrolyq qarýsyzdandyrý salasyndaǵy yntymaqtastyǵy: Bir taǵdyr, jalpy maqsat» taqyrybynda xalyqaralyq konferentsiia ótti. Sharanyń uiymdastyrýshylary - QR Tuńǵysh Prezidenti - Elbasy qory janyndaǵy Álemdik ekonomika jáne saiasat institýty, sondai-aq, Goi beibitshilik qory. Konferentsiiada iadrolyq qarýsyzdandyrý salasyndaǵy ózekti máseleler talqyǵa salyndy. Sol jerde QR Parlament Májilisiniń depýtaty Abai Tasbolatov keńester kezinde áskerdiń iadrolyq soǵysqa qalai daiyndalǵanyn aityp berdi.
Al Goi beibitshilik qorynyń prezidenti Hiroo Saiondji qazirgi iadrolyq qarýdyń qanshalyqty qaýipti ekenin jetkizdi.
