Almatyda kórnekti aqyn Oljas Súleimenovtyń 85 jyldyǵyna arnalǵan «Tanyp – bilip ózimizdi ózgeden, biz kóshemiz ózimizge bet alyp: Oljas jáne mádeniettterdi jaqyndastyrý» atty halyqaralyq ǵylymi konferentsiia ótip jatyr, dep habarlaidy "Ult aqparat".
Konferentsiianyń maqsaty - Oljas Súleimenovtiń ómirindegi ádebi, ǵylymi jáne qoǵamdyq-saiasi ideialar men qundylyqtardy túsiný jáne zertteý.
Shara barsynda mereitoi iesi Oljas Súleimenov Qazaqstan Respýblikasynyń Prezidenti Qasym-Jomart Toqaevty týǵan kúnimen quttyqtady.
«Kelińizder, bárimiz birge sálem joldaiyq jáne týǵan kúnmen quttyqtaiyq!», - dedi aqyn.
Keiin konferentsiianyń barlyq qatysýshylary Oljas Súleimenovti mereitoiymen quttyqtady. Atap aitqanda, Qazaqstan Respýblikasynyń Mádeniet jáne sport ministri Aqtoty Raiymqulova, ýniversitet rektorlary, professorlar, aqynyń dostary men áriptesteri.
Konferentsiiada 3 sessiia jumysy josparlanǵan. Onyń aiasynda Oljas Súleimenovtyń ómir jolyndaǵy negizgi baǵyttaryn jáne onyń adamzat tarihyndaǵy rólin uǵyný jáne zertteý usynylady:
1 sessiia – «Oljas Súleimenov: planetarlyq poetika». Sessiia aiasynda Oljas Súleimenovtyń ádebi fenomeni men poeziiasyn uǵyný.
2 sessiia– «Sóz kody: tarih jáne lingvistika». Sessiia aiasynda Oljas Súleimenovtiń tarihi-lingvistikalyq tujyrymdamasyn jáne onyń perspektivalarynyń damýyn talqylaý.
3 sessiia – «Taýdy alasartpai, dalany asqaqtatý». Sessiia aiasynda Oljas Súleimenovtyń elimizdegi jáne álemniń qoǵamdyq-saiasi ómirindegi rólin túsiný.
Atalǵan shara QR Mádeniet jáne sport ministrligi IýNESKO qamqorlyǵyndaǵy Halyqaralyq mádenietterdi jaqyndastyrý ortalyǵy «Mádenietterdi jaqyndastyrýdyń halyqaralyq onjyldyǵy» (2013-2022 jj.) aiasynda Almaty qalasynyń ákimdigimen birlesip uiymdastyryldy.
Oljas Súleimenov – XX-XXI ǵasyrlardaǵy asa kórnekti aqyn, búkil álemge óziniń poeziiasymen ǵana emes, qoǵamdyq-saiami qyzmetimen de tanymal tulǵa. Oljas Omaruly ár jyldary QazKSR Jazýshylar Odaǵyn basqaryp, Qazaq KSR kinematografiia jónindegi memlekettik komitetiniń tóraǵasy, kóp jyl boiy QazKSR Joǵarǵy Keńesiniń depýtaty boldy. 1995-2001 jyldary aralyǵynda QR-nyń Italiia, Gretsiia, Maltadaǵy Tótenshe jáne Ókiletti elshisi, 2001-2014 jyldary – Qazaqstannyń IýNESKO- daǵy Turaqty ókili boldy.
Oljas Súleimenovtiń poeziiasy-ádebiettiń tańǵajaiyp fenomeni. Aqynnyń ómirbaiany men ómirsheńdigi avangard poetikasyn, dala motivteri men tehnogendik dáýirdiń kosmizmin, mádenietterdiń dialogy men dialektikasyn – biriktiredi.
Oljas Súleimenovtiń óleńderi men poemalary aǵylshyn, frantsýz, nemis, ispan, cheh, poliak, slovak, bolgar, vengr, mońǵol, qyrǵyz, túrik jáne basqa da tilderge aýdarylǵan.
