Otandyq ekonomist Oljas Qudaibergenov Qazaqstanda basshylyq qyzmetke tanystyq arqyly taǵaiyndaý men iri biznes ókilderiniń laiyqsyz jolmen baiýyn synǵa aldy, dep habarlaidy QazAqparat.
«Adamdardyń adal eńbeksiz, laiyqsyz jolmen biznes imperiiasynyń basshysy bolǵan kezder kelmeske ketýi kerek. Sondai-aq, óziniń marjasyn ustap qalyp, qunyn arttyratyn parazit deldaldyq qurylymdardy joiǵan jón. Jáne jekemenshik monopoliialar da ketýi kerek. Iri biznes bilim berýmen uzaq merzimdi negizde ainalysýy qajet. Iaǵni, ýniversitettermen ózara yntymaqtastyqqa kelýden bastap olarǵa tolyq qamqorlyq kórsetýge deiin. Bul oqý oryndaryn óziniń biznes holdingine qosý arqyly emes, belsendi demeýshilik kórsetý formatynda bolady dep úmittenemin», - dedi Oljas Qudaibergenov.
Ekonomistiń boljaýynsha, endigi ýaqytta «Bolashaq» baǵdarlamasynda tehnikalyq mamandyqtarǵa basymdyq berilmek.
«Samuryq-Qazyna» ál-aýqat qory zańdy tulǵa retinde qalýy múmkin, biraq onyń fýnktsionaldyq múmkindikteri aitarlyqtai azaiady. Al basshylyǵy ózgeredi. Basshylyq qyzmetke tanystyq arqyly taǵaiyndaý, direktorlar keńesiniń formaldy quramyn jasaqtaý, taǵy sol siiaqtylar - ótken kúnniń tájiribesi. Jalpy, ádiletsizdik, beibereketsizdik pen dandaisýdyń zamany aiaqtaldy. Qudai qalasa, memlekettik basqarý júiesine zerdeli ári óz ornyna laiyqty mamandar kelgen kezde, birtindep kadrlardyń durys kýbik-rýbigi qalyptasady», - deidi ol.
