Foto: Aqorda
Májilis depýtattary Premer-Ministr laýazymyna Oljas Abaiuly Bektenovti taǵaiyndaýǵa kelisim berdi. Ol burynǵy laýazymynan bosatyldy, dep habarlaidy "Ult aqparat" Aqordanyń telegram kanalyna silteme jasap.
Májilis depýtattary Úkimet basshysy kandidatýrasyn talqylaǵannan keiin «Qazaqstan Respýblikasynyń Prezidentine Qazaqstan Respýblikasy Premer-Ministri laýazymyna Bektenov Oljas Abaiulyn taǵaiyndaýǵa kelisim berilsin» degen qaýly jobasyna daýys berdi.
Daýys berý barysynda jalpy otyrysqa qatysqan depýtattardyń 69-si onyń kandidatýrasyn qoldap, 7 depýtat qalys qaldy.
Ile-shala Memleket basshysynyń Oljas Abaiuly Bektenovty Qazaqstan Respýblikasynyń Premer-Ministri etip taǵaiyndaý jónindegi jarlyǵy shyqty.
Buǵan deiin Memleket basshysyna AMANAT partiiasynyń atynan Premer-Ministr laýazymyna Oljas Abaiuly Bektenovtiń kandidatýrasy usynylǵan edi.
Májilistiń plenarlyq otyrysynda Memleket basshysy Qasym-Jomart Toqaev Premer-Ministr laýazymyna Oljas Bektenovty taǵaiyndaý úshin depýtattardyń kelisim berýin surady.
Oljas Abaiuly 1980 jyly 13 jeltoqsanda Almaty qalasynda týǵan.
Qazaq memlekettik zań akademiiasyn (2001 j.) úzdik bitirgen, mamandyǵy «Zańger».
II dárejeli «Aibyn» (2014 j.) jáne «Dańq» (2021 j.) ordenderimen nagradtalǵan.
2002-2005 jyldary Almaty qalasy Ádilet basqarmasy bóliminiń bas mamany.
2005-2006 jyldary QR Premer-Ministri Keńsesiniń zań bóliminiń sarapshysy, bas sarapshysy.
2006-2009 jyldary QR Prezidenti Ákimshiliginde jumys jasady.
2009-2012 jyldary QR Ádilet ministrliginiń Tirkeý qyzmeti jáne quqyqtyq kómek kórsetý komiteti tóraǵasynyń orynbasary.
2012-2014 jyldary QR Ekonomikalyq qylmysqa jəne sybailas jemqorlyqqa qarsy agenttiginiń (qarjy politsiiasy) ortalyq apparatynda departament bastyǵy.
2015-2016 jyldary Astana qalasy ákiminiń apparat basshysy, QR Prezidenti Ákimshiligi Basshysy Hatshylyǵynyń meńgerýshisi.
2016-2017 jyldary Sybailas jemqorlyqqa qarsy is-qimyl Ulttyq biýrosynyń (Sybailas jemqorlyqqa qarsy qyzmet) Astana qalasy boiynsha departamentiniń basshysy.
2017-2018 jyldary Aqmola oblysy ákiminiń orynbasary.
2018-2019 jyldary Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi Tóraǵasynyń orynbasary.
2019-2022 jyldary Qazaqstan Respýblikasynyń Sybailas jemqorlyqqa qarsy is-qimyl Agenttigi Tóraǵasynyń birinshi orynbasary.
2022 jyldyń aqpanynan bastap Qazaqstan Respýblikasynyń Sybailas jemqorlyqqa qarsy is-qimyl agenttiginiń tóraǵasy qyzmetin atqardy.
