Qostanai oblysynyń politseileri qyzǵanyshtan bolǵan kisi ólimin tergep jatyr. Bul týraly óńirlik PD baspasóz qyzmeti málimdedi, - dep habarlaidy Tengrinews.kz tilshisi Alau.kz saityna silteme jasap.
"Tobyl qalasy Naberejnaia kóshesinde er adam qyzǵanyshtan týyndaǵan janjal kezinde 54 jastaǵy er adamdy soqqyǵa jyqqan. Nátijesinde jábirlenýshi oqiǵa ornynda qaitys boldy", - delingen politsiia habarlamasynda.
Bul derekke qatysty QK-niń 106-baby 3-bóligi "Abaisyzda jábirlenýshiniń ólimine ákep soqqan densaýlyqqa qasaqana aýyr ziian keltirý" boiynsha sotqa deiingi tergeý júrgizilip jatqany belgili boldy. Sot-meditsinalyq saraptama taǵaiyndaldy.
