Tokio úkimeti beisenbi kúni, olimpiada saltanatynyń qarsańynda COVID-19 juqtyrýdyń 1 979 jańa jaǵdaiy tirkelgenin málim etti, dep habarlaidy Kyodo agenttigi.
Bul – qańtardyń ortasynan bergi eń joǵary kórsetkish. Osyǵan orai, oiyndardyń saldarynan virýstyń juqpalylyǵy joǵary Delta nusqasynyń taralý aýqymy odan ári keńeie túsedi degen qorqynysh ósýde.
Olimpiadanyń ashylý saltanaty juma kúni el astanasynda koronavirýs sharalarynyń shekteýlerine bailanysty kórermendersiz ótedi. Munda COVID-19 jaǵdailarynyń ósýine bailanysty tótenshe jaǵdai engizilgen.
Qańtardyń ortasynda Tokioda ekinshi tótenshe jaǵdai engizilgen edi.
Densaýlyq saqtaý salasyndaǵy sarapshylar Tokioda koronavirýs boiynsha epidemiologiialyq ahýaldyń kúrt nasharlaýy múmkin ekendigin jáne infektsiianyń «besinshi tolqyny» týraly eskertti.
Olardyń esepteýi boiynsha, tamyzdyń basynda eldegi kúndelikti juqtyrý oqiǵasy 2 600-ǵa deiin jetedi. Al Olimpiada 8 tamyzǵa deiin jalǵaspaq.
