Búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde Qazaqstan qorjynyna taǵy bir qola medal tústi, dep habarlaidy "Ult aqparat".
Búgin olimpiadalyq irikteý týrniriniń jartylai finalynda judyryqtasqan jerlesimiz Serik Temirjanov qola medaldi qanaǵat tutty.
Ol jartylai finalda ózbekstandyq Mirazizbek Mirzahalilovpen judyryqtasyp utylyp qaldy. Osylaisha jarysty qola medalmen aiaqtady.
Esterińizge sala ketsek, osyǵan deiin erler arasynda 69 keli salmaqta Abylaihan Júsipov jartylai finalda úndistandyq boksshyǵa jol berip, qola medal iegeri atanǵan bolatyn.
