Sý dobynan Qazaqstan áielder quramasy Olimpiadalyq irikteý týrnirinde alǵashqy jeńisine qol jetkizdi, dep habarlaidy "Ult aqparat" QR Ulttyq olimpiadalyq komitetiniń baspasóz qyzmetine silteme jasap.
Italiiada sý dobynan áielder komandalary arasynda Olimpiadaǵa irikteý týrniri ótip jatyr. Búgingi jarys kúni Qazaqstan quramasy Slovakiia komandasymen kezdesip, 11:10 esebimen utty. El quramasy toptyq kezeńde úshinshi orynmen shirek finalǵa shyqqan bolatyn.
Endi qazaqstandyqtar Izrail-Frantsiia jubynyń jeńimpazymen kezdesedi.
Aita keteiik, Qazaqstan áielder quramasy Niderlandy qyzdaryna jol berdi. Esep 6:19 (1:5, 2:4, 0:4, 3:6). Qazaqstan quramasynan Aijan Aqylbaeva, Daria Roga, Anna Týrova (2), Daria Mýraveva jáne Anastasiia Eremina mergendik tanytty.
