Búgin Iordaniianyń Amman qalasynda ótip jatqan bokstan Olimpiadaǵa irikteý týrniri óz máresine jetedi, dep habarlaidy "Ult aqparat".
Bir aptadan artyq ýaqytqa sozylǵan Olimpiada joldamasy sarapqa salynǵan týrnirdiń búgin sońǵy kúni. Keshe jartylai finaldyq básekeler tolyǵymen aiaqtalyp, finalister belgili boldy. Olardyń qatarynda 4 qazaqstandyq bylǵary qolǵap sheberi bar.
Atap aitsaq, finalǵa 63 keli salmaqta Zakir Safiýllin, 75 keli salmaqta Ábilhan Amanqul, 81 keli salmaqta Bekzat Nurdaýletov jáne 91 keli salmaqta Vasilii Levit ótken bolatyn. Búgin atalǵan tórt boksshymyz altyn medal úshin sharshy alańǵa shyǵady.
Zakir Safiýllinniń finaldaǵy qarsylasy ózbek boksshysy Elnýr Abdýraimov, bolsa, Ábilhan Amanqul filippindik Eýmir Marsialmen judyryqtasady.
Al 81 kelige deiingi salmaqta Bekzat Nurdáýletovpen avstraliialyq boksshy Paýlo Aokýso qolǵap túiistiredi. Tórtinshi boksshymyz Vasilii Levit Jańa Zelandiia ókili Devid Nikamen altyndy sarapqa salady.
