Tokiodaǵy Olimpiada oiyndarynyń júldegerlerine Olimpiada uiymdastyrýshylary marapattaý rásiminde sýretke túsý kezinde 30 sekýndqa maskany sheshýge ruqsat etti.
Bul týraly Halyqaralyq olimpiada komitetiniń saitynan málim boldy, dep habarlaidy "Ult aqparat" BaigeNews.kz saityna silteme jasap.
Ánuran bitkennen keiin sportshylarǵa maksimým 30 sekýndqa maska sheshýge bolatyny týraly belgi beriledi. Bul kezde júldegerler burynǵysha áleýmettik araqashyqtyqty saqtaý kerek bolady.
Budan keiin olimpiadashylarǵa maskany qaita taǵý kerektigi jóninde taǵy bir belgi beriledi. Sol kezde maska taqqan jeńimpazdarmen olardyń tuǵyrynda sýretke túsýge ruqsat etilmek.
Eske sala keteiik, Qazaqstan ázirge biylǵy Olimpiada oiyndarynda eki «qola» aldy. Eline jeńisti dziýdoshy Eldos Smetov pen aýyr atletshi Igor Son ákeldi.
