Japoniia astanasy Tokio qalasynda ótip jatqan Olimpiada oiyndarynda qazaqstandyq boksshy Ábilhan Amanquldyń qarsylasy anyqtaldy, dep habarlaidy "Ult aqparat".
Aita keteiik, ol 75 kelide jarystyń birinshi irikteý satysyna qatysqan joq.
Endi ol ekinshi irikteý satysynda Ózbekstannan kelgen Fanat Kahramonovpen qolǵap túiistiretin boldy.
Ózbek boksshysy búgin grýziialyq Georgii Harabadzeni jeńip, jarysty jalǵastyrýǵa múmkindik aldy.
Qazaq jáne ózbek bylǵary qolǵap sheberleriniń jekpe-jegi 29 shildege belgilengen.
Qarsylastar byltyr Iordaniia astanasy Amman qalasyndaǵy litsenziialyq týrnirde kezdesip, ol joly qazaqstandyq boksshynyń mereii ústem bolǵan edi.
Aita keteiik, Olimpiadada 57 kelide judyryqtasqan Serik Temirjanov birinshi jekpe-jekte vengriialyq Roland Galoshtyń osal tusyn tapty.
Al, 63 kelide Zakir Safiýllin perýlik Leodan Peso Saboiiany jeńip, jarystyń kelesi satysyna joldama aldy.
Sondai-aq, Sáken Bibosynov (52 keli) alǵashqy jekpe-jeginde Pýerto-Riko elinen kelgen Iankel Rivera Figerony qapy qaldyryp ketti.
