Sport jáne dene shynyqtyrý isteri komitetiniń tóraǵasy Serik Sápiev Tokio Olimpiadasynda Qazaqstannyń qai sport túrlerinen júlde jeńe alatynyn aitty, dep habarlaidy QazAqparat.
«Biz balýandarymyzǵa, jeńil atletikadaǵy keibir sportshylarǵa úmit artyp otyrmyz. Bizde jańa sport túri – karatede de jaqsy qurama bar, sonymen qatar sporttyq quzǵa órmeleýshiler de medal ala alady. Basqa baǵyttarda da sportshylarymyzdyń medal alýy ábden múmkin», - dep jaýap berdi Sápiev Ortalyq kommýnikatsiialar qyzmetinde tilshi suraǵyna.
Buǵan deiin Serik Sápiev Qazaqstan boksshylary qansha júlde ákelýi múmkin ekenin aitqan edi.
«Bokstan júlde alýǵa áli de úmitimiz bar. Úsh-tórt medal alýǵa bolady. Endi Sáken Bibosynovtyń qarsylasy – Frantsiia boksshysy, ol óte myqty, odan ótse kelesi qarsylastarynyń deńgeii frantsiialyqtai bolmaidy. Sosyn Ábilhan Amanquldyń, Qamshybek Qońqabaevtyń jáne Zákir Safiýllinniń qasrylastary aitarlyqtai kóshbasshylar emes, olardy jeńýge bolady. Sol úshin qalǵan tórt boksshymyz tórt medal ákelýi de múmkin», - dedi boksshy.
